የኮቪድ 19 ወረርሽኝን መስፋፋትን ተከትሎ የቤት ለቤት የሚደረግ የቆጣሪ የንባብ ስርአትን ለማስቀረት እየተሰራ ነው -የኢትዮጵያ ኤሌትሪክ አገልግሎት ድርጅት

Views: 178

የኮቪድ 19 ወረርሽኝን መስፋፋትን ተከትሎ የድርጅቶችናንና የቤት ለቤት የሚደረግ የቆጣሪ የንባብ ስርአትን ለማስቀረት እየተሰራ መሆኑን የኢትዮጵያ ኤሌትሪክ አገልግሎት ድርጅት ገለጸ።

የድርጅቱ የዲስትሪቢዢን ሲስተም ምክትል ዋና ስራ አስፈጻሚ አቶ ብዙወርቅ ደምሴ እንዳሉት የኮቢድ 19 ወረርሽኝን ተከትሎ በአሁን ወቀት በአንባቢ በኩል በየቤቱ እየዞረ በሚኖር የንባብ ሰራ ንክኪ ሳይኖረው አካላዊ እርቀተን ጠብቆ አንብቦ መሄድ ይችላል የሚል እምነት እንዳላቸውም ገልጸዋል።

ነገር ግን በተገልጋይ በኩል አንባቢ ወደ ቤቱ እንዲመጣበት አይፈልግም የሚሉ ስጋቶች ይኖራሉ በሚል ድርጅቱ አስቀድሞ ትኩረት በመስጠት ይህን መነሻ ያደረገ ስጋትን ለማስቀረት አሰራሩን ለማሻሻል አቅዷል ነው ያሉት።

በአዲሱ አሰራርም የቤት ለቤት ንባብ የሚቀር ሲሆን የድርጅትንና የቤት ለቤት የሚደረግ የቆጣሪ የንባብ ስርአትን ለጊዜው በማስቆም ደንበኞች ባለፉት ስድስት ወራት ሲጠቀሙበት በነበረ የኤሌትሪክ አጠቃቀምን ንባብ ታሳቢ ተደርጎ እንዲከፍሉ ይደረጋል ብለዋል።

በነዚህ ጊዜያት እላፊ የከፈለ ደንበኛ በሚቀጥለው ወር የሚስተካከልለት ሲሆን በተጠቀመበት ልክ ያልከፈለም በተመሳሳይ በቀጣይ ወር እንዲከፍል ይደረጋል ነው ያሉት።

ይህም አሰራር በቀጣይ ወሮች የኮቢድ 19 ወረርሽኝን መስፋፋትን ተከትሎ ተግባራዊ ይደረጋል ሲሉ ተናግረዋል።

አያይዘውም የኢትዮጲያ ኤሌትሪክ አገልግሎት ድርጅት ደንበኞች በቤታቸው ሆነው በድረገጽ ያለፈ ታሪካቸውን የሚነቡበት እና አገልግሎት የሚያገኙበት የኦላይን አሰራር ለመተገበርም እየሰራ መሆኑንም ገልጸዋል።

በዚህም ለማመልከቻ ፣ ክፍያ ለመክፈልም ሆነ አገለግሎት ለማግኘት የሚቻልበት አሰራር ለመተግበር እየሰራን ነው ያሉት ሃላፊው ÷አሰራርን የማዘመን ስርአት በቀጣይ ለደንበኞች ይፋ ይደረጋል ብለዋል።

ተቋሙ ወረርሽኙን ተከትሎ የፋይናንስ ጫና እንደተፈጠረበት ጠቁመው በዚህም ቀደም ሲል ከደሞዝ ውጪ በትርፍ ሰአት ይከፍል የነበረውን የሰራተኛ ከፍያ ማስቀረቱን አንስተዋል።

በሌላም በኩል ተቋሙ የኮሮና ወረርሽኝን በመከላከል የደንበኞቹን ጤንነት ለመጠበቅ የተለያዩ አሰራሮቹን በማዘመን ደንበኞቹ በድረገጽ ወይም በአላይን የሚጠቀሙበትን አሰራር ለመዘርጋት እየሰራ እንደሚገኝ ተናግረዋል።

ድርጅቱ በአሁን ሰዓት ከ3 ነጥብ 2 ሚሊዬን በላይ ደንበኞች ሲኖሩት ከነዚህ ደንበኞ መካከል በነባሩ ቆጣሪ አገልገሎት የሚጠቀሙ ደንበኞች ቁጥር ከፍ ያለ መሆኑ ተመላክቷል።

ከዚህ ቀደም ደንበኞች በተጠቀሙበት ፍጆታ ልክ በየወሩ በባንክ የመክፈል ስርአት መጀመሩ ይታወቃል ሲል የኤፍ ቢ ሲ በዘገባው አመላክቷል፡፡

Comments: 0

Your email address will not be published. Required fields are marked with *

This site is protected by wp-copyrightpro.com