ማስተር ካርድ ፋውንደሽን ጥቃቅንና አነስተኛ ኢንተርፕራይዞችን ሊደግፍ ነው

Views: 170

ማስተር ካርድ ፋውንዴሽን በኢትዮጵያ በኮሮና ቫይረስ የተጎዱ የጥቃቅንና አነስተኛ ኢንተርፕራይዞችን ሊደግፍ መሆኑን አስታወቀ፡፡
ማስተር ካርድ ፋውዴሽን ከኢትዮጵያ ስራ እድል ፈጠራ ኮሚሽን እና ፈርስት ኮንሰልት አማካሪ ድርጅት ጋር በመተባበር ነው የድጋፍ ፕሮግራሙን ይፋ ያደረገው።
የአስቸኳይ የድጋፍ ፕሮግራሙም በኮሮና ቫይረስ ወረርሽኝ ምክንያት ጉዳት የደረሰባቸው ለጥቃቅንና አነስተኛ ኢንተርፕራይዞችን ተጠቃሚ የሚያደርግ መሆኑም ከማስተር ካርድ ፋውዴሽን የተገኘው መረጃ ያመለክታል።
ለድጋፉም በማስተር ካርድ ፋውዴሽን አማካኝነት የ24 ነጥብ 8 ሚሊየን የአሜሪካ ዶላር መነሻ ገንዘብ የቀረበ ሲሆን፥ ድጋፉም ጥቃቅንና አነስተኛ ኢንተርፕራይዞችን በኮሮና ቫይረስ ወረርሽኝ ወቅት ጠንካራ ሆነው ሰራተኞቻቸውን ይዘው እንዲቆዩ እንዲሁም ከወረርሽኙ በኋላ ፈጠራ የታከለበት የስራ እድል እንዲፈጥሩ የሚያስችል ነው ተብሏል።
የገንዘብ ድጋፉ ቀላል ብድርን ጨምሮ በተለያዩ መንገዶች ተፈፃሚ የሚደረግ ሲሆን፥ የሚደረገው የገንዘብ ድጋፍ አይነት እና መጠንም እንደ ኢንተርፕራይዞቹ አቅም እና ፍላጎት የሚወሰን መሆኑም ተገልጿል።
የማስተር ካርድ ፋውዴሽን ድጋፍ 24 ሺህ ጥቃቅንና አነስተኛ ኢንተርፕራይዞች ለገንዘብ ችግር እና ለመዘጋት አደጋ እንዳይጋለጡ የሚያስችል ሲሆን፥ 50 ሺህ ያክል ሰራተኞችም ስራቸውን እንዳያጡ ያስችላል ተብሏል፡፡

ቅጽ 2 ቁጥር 83 ግንቦት 29 2012

Comments: 0

Your email address will not be published. Required fields are marked with *

This site is protected by wp-copyrightpro.com