በ150 ሚሊዬን ዶላር ዘመናዊ ላቦራቶሪዎች በተለያዩ የኢትዮጵያ ክፍሎች ሊገነቡ ነው ተባለ

Views: 107

ከ2013 ጀምሮ በሁሉም ክልሎች እና በኢትዮጵያ ህብረተሰብ ጤና ኢንስቲትዩት በ150 ሚሊየን ዶላር ዘመናዊ የሆኑ ላቦራቶሪዎች ግንባታ እና የአቅም ማጎልበት ስራዎቸን እንደሚጀምር የኢትዮጵያ የሕብረተሰብ ጤና ኢንስቲትዩት አስታወቀ።

የላብራቶሪ ግንባታው እና የአቅም ማጎልበት ስራው ከዓለም ባንክ በተገኘ 150 ሚሊየን የአሜሪካ ዶላር ድጋፍ እና ብድር እንደሆነ ተገልጿል። የሚገነቡት ላብራቶሪዎች ዘመናዊ እና ደረጃቸውን የጠበቁ በመሆናቸው ከኢትዮጵያ አልፎ ለምስራቅ አፍሪካ ሀገራትም ጭምር አገልግሎት የመስጠት አቅም ይኖራቸዋል ተብሏል፡፡

የፕሮጀክቱ ትግበራ በአራት ዋና ዋና መርሀ ግብሮች የተከፋፈለ ሲሆን በአንደኛው መርሀ ግብር የሀገሪቷን አጠቃላይ የላቦራቶሪ አቅም የመገንባት ስራዎች እንደሚሰሩ የኢትዮጵያ ህብረተሰብ ጤና ኢንስቲትዩት ዋና ዳይሬክተር ዶ/ር ኤባ አባተ ጠቁሟል።

በዚሁ መሰረት ደረጃ ሶስት ባዮ ሴፍቲ ብሔራዊ ሪፈረንስ ላብራቶሪ በኢንስቲትዩቱ ቅጥር ግቢ ውስጥ የሚገነባ ሲሆን ይህም ላቦራቶሪ ከዚህ ቀደም በሀገሪቱ የሌለና በአቅምም ሆነ በአይነቱ አዲስ እንደሚሆነም ተገልጸል፡፡ ከዚህም በተጨማሪ 15 የክልል ሪፈረንስ ላቦራቶሪዎች የመገንባት እና ላቦራቶሪዎቹንም በመሳሪያ የማሟላት ስራዎች ይከናወናሉ ተብሎ ይጠበቃል።

በሌላም በኩል አሁን በሀገሪቷ በስራ ላይ ያሉ 8 ላቦራቶሪዎችም የአቅም ግንባታ እና በመሳሪያ የማዘመን ስራዎች እንደሚከናወኑላቸው ተጠቁሟል። ላቦራቶሪ ግንባታ ከ3 እስከ 4 ዓመታት የሚፈጅ ሲሆን በየክልሉ የሚገነቡት 15 ላቦራቶሪዎች ግንባታ በሁለት ዓመት ውስጥ እንደሚጠናቀቁ ይጠበቃል፡፡

እነዚህ ላቦራቶሪዎች ወደ ስራ ሲገቡ ደግሞ ከዚህ ቀደም ወደ ውጭ አገር የሚላኩ ከፍተኛ ደህንነትን የሚጠይቁ የምርመራ ስራዎችን ያስቀራሉ ተብሎ ይጠበቃል፡፡
ቅጽ 2 ቁጥር 97 መስከረም 2 2012

Comments: 0

Your email address will not be published. Required fields are marked with *

This site is protected by wp-copyrightpro.com