የእለት ዜና

ባለፉት ሦስት ወራት ከቡና ሽያጭ ከ184 ሚለዮን ዶላር በላይ ገቢ ተገኘ

በያዝነው በጀት ዓመት ማለትም ባለፉት ሦስት ወራት ውስጥ 80 ሺሕ ቶን ቡና ለዓለም ገበያ ለመላክ ታቅዶ 53 ሺሕ ቶን በላይ ቡና ወደ ውጪ አገራት ተልኳል።
በዚህም ከ184 ሚለዮን ዶላር በላይ ገቢ መገኘቱን የኢትዮጲያ ቡና እና ሻይ ባለስልጣን አስታውቋል፡፡

የኢትዮጲያ ቡና እና ሻይ ባለስልጣን ምክትል ዋና ዳሬክተርና የግብይት ዘርፍ ሃላፊ አቶ ሻፊ ኡመር እንዳስታወቁት በሩብ ዓመቱ ቡናን ወደ ውጪ በመላክ የተገኘው ገቢ በባፈው ዓመት በአጠቃላይ ተጠናቆ ያልተላከውን ቡና አጠናቆ በመላክ ነው፡፡

የ2013 ያልታጠበ ቡና እየተሰበሰበ ነው ያሉን ሲሆን ይህንን ምርት አሰባስቦ ወደ ገበያ ለማቅረብ እየተሠራ መሆኑን ነግረውናል፡፡
በዓመቱ ሦስት መቶ 12 ሺሕ ቶን ቡና ወደ ውጪ በመላክም ከአንድ ቢሊየን በላይ ዶላር ገቢ ለማግኘት መታቀዱን ከባለስልጣኑ ሰምተናል፡፡
ባለፈው ዓመት አንድ ቶን ቡና ሁለት ሺ 833 ዶላር ሲሸጥ እንደነበር አስታውሰው በዘንድሮ ሩብ ዓመት ይህንን በማሻሻል በሩብ ዓመቱ አንድ ቶን ቡና ሶስት ሺ457 ዶላር እየተሸጠ መሆኑንን ነግረውናል፡፡

በተመሳሳይ የ 2011 ምርቱ በከፍተኛ ሁኔታ ወደ ዓለም ገበያ የቀረበበት ዓመት እንደሆነ ያነሱት አቶ ሻፊ የቡና ምርቱ ለዓለም ገበያ ቀርቦ ከፍተኛ ገቢ አስገኝቶ ነበር።

ቅጽ 2 ቁጥር 104 ጥቅምት 21 2013

Comments: 0

Your email address will not be published. Required fields are marked with *

This site is protected by wp-copyrightpro.com