ባለፉት አራት  ወራት ከወጪ ንግዱ 1ነጥብ7 ቢሊዮን ዶላር ለማግኘት ታቅዶ 1ነጥብ1 ቢሊዮን  ዶላር ተገኘ

Views: 195

የንግድና ኢንዱስትሪ በለፉት 4 ወራት ከወጪ ንግዱ 1ነጥብ7 ቢሊዮን ዶላር ለማግኘት ታቅዶ 1ነጥብ1 ቢሊዮን እንዲሁም በጥቅምት ወር 280 ሚሊዮን የአሜሪካን ዶላር ለማግኘት ታቅዶ 258 ሚሊዮን ዶላር መገኘቱን የንግድና ኢንዱስትሪ ሚኒስትር መላኩ አለበል ገልጸዋል፡፡

አሁን ባለው አገራዊ  ወቅታዊ ሁኔታን ተከትሎ በግብይት ምክንያት የወጪ ንግዱ እንዳይቀንስ በሚኒስቴር መስሪያ ቤቱ ስራዎች እየተሰሩ መሆኑም ተገልጿል።

በገበያ ውስጥ የምርት እጥረት እንዳይከሰትም 392 ሚሊዮን ሊትር ዘይት ከቀረጥ ነጻ እና ከ 4 ሚሊዮን ኩንታል በላይ ስኳር ወደ አገር ውስጥ መግባቱን ሚኒስትሩ ጠቅሰዋል።

የምርት አቅርቦት ችግር እንዳይፈጠርም ከገጠር እስከ ከተማ ትስስር እንዲፈጠር ስራዎች እየተሰሩ መሆኑንም  መላኩ ጠቁመዋል።

ወቅቱ የመሕር ወቅት እንደመሆኑ የሰብል ምርት አቅርቦትን የተሻለ ለማድረግ በየደረጃ የሚገኙ የመንግስት መዋቅሮች በአቅርቦት ሰንሰለቱ ላይ የሚያጋጥሙ ችግሮችን እንዲያስተካክሉ እየተሰራ ነውም ብለዋል።

ሰው ሰራሽ የዋጋ ንረቶችን በመቆጣጠር ረገድም በገበያ ላይ ተጽእኖ ያሳድራሉ ተብለው በሚታሰቡ ምርቶች ላይ ቁጥጥር እንደሚደረግና የምርት አቅርቦት ላይ አትኩረን እየሰራን ነው ሲሉም  መላኩ አስታውቃዋል።

ያለ አግባብ የዋጋ ጭማሬ በሚያደርጉ የንግዱ ማህበረሰብ አካላት ላይ የበር ለበር ጉብኝት በማድረግ አስፈላጊው እርምጃ እየተወሰደ እንደሚገኝም ጠቁመዋል፡፡

 

 

Comments: 0

Your email address will not be published. Required fields are marked with *

This site is protected by wp-copyrightpro.com