የእለት ዜና

መንግስት ላለፉት ኹለት ዓመታት 24.05 ቢሊዮን ብር የነዳጅ ዋጋ ድጎማ አድርጓል

አለም የነዳጅ ዋጋ ጭማሬን ተከትሎ በጥር ወር የነዳጅ ምርት አቅርቦት ላይ መጠነኛ የዋጋ ክለሳ መደረጉን የገለጹት በንግድና ኢንዱስሪ ሚኒስቴር የንግድ ዕቃዎች ዋጋ ጥናት ክትትልና ቁጥጥር ዳይሬክተር ካሳሁን ሙላት መንግስት ከ2011 ሚያዝያ ወር ጀምሮ የነዳጅ ዋጋ ጭማሪ ቢያሳይም መንግስት ጭማሬውን በመሸፈን ላለፉት ኹለት ዓመታት 24.05 ቢሊዮን ብር የዋጋ ሸክሙን ተሸክሞ መቆየቱን ጠቁመዋል።
በተጠናቀቀው የታህሳስ ወርም ምርቱ 1.5 ቢሊዮን ብር የዋጋ ጭማሬ አሣይቷል ያሉት ዳይሬክተሩ መንግስት ሁሉንም የዋጋ ጭማሪውን ሸፍኖ ከሄደ በኢኮኖሚው ላይ አሉታዊ ተጸእኖ የሚያሳድር በመሆኑ መንግስት 75 በመቶውን እንዲሸፍን እና ቀሪው 25 በመቶ በኅብረተሰቡ እንዲሸፈን ተደርጎ መጠነኛ የዋጋ ማስተካከያ መደረጉን አብራርተዋል። በዚሁ መሰረት የኢፌዴሪ ንግድና ኢንዱስትሪ ሚኒስቴር በ2013 በጀት አመት የጥር ወር የነዳጅ ዋጋ ላይ መጠነኛ ክለሳ ማድረጉን ገለጸ።
ሌሎች መሰረታዊ ሸቀጦች የአቅርቦትና ስርጭትን በተመለከተ የጊዜ ሰሌዳቸውን ጠብቀው ወደ አገር ውስጥ በማስገባት ለህብረተሰቡ እየተሰራጩ መሆኑን የጠቆሙት አቶ ካሳሁን የኮቪድ 19 ወረርሺኝ ተከትሎ ገበያውን ለማረጋጋት በተደረገው ጥረት ላለፉት ስድስት ወራት ከ 392 ሚሊዮን ሊትር በላይ ዘይት እና 4 ሚሊዮን ኩንታል በላይ ስኳር እና ከ 8 ሚሊዮን ኩንታል በላይ የሩዝ ምርት ከቀረጥ ነጻ እንዲገባ መደረጉንና አሁን ላይ የ 5 በመቶ ቀረጥ እየከፈሉ ምርቶቹን እንዲያስገቡ መደረጉ ተገልጿል። በቀጣይም የቀረጥና የታክስ ሁኔታዎች ሚኒስቴር መስሪያ ቤቱ ከሚመለከታቸው አካላት ጋር በመሆን እንደ አስፈላጊነቱ የሚታይበት ሁኔታም እንዳለ ተገልጿል።
አገሪቱ ከወጪ ንግዱ የምታገኘው የገቢ መጠን እና ከውጭ ወደ አገር ውስጥ ለሚገቡ ምርቶች የምታወጣው የንግድ ሚዛን መጠን ተመጣጣኝ ባለመሆኑ ሸቀጦችን በአገር ውስጥ ምርት መተካት አስፈላጊ በመሆኑ ስትራቴጂ ተቀርጾ ወደ ስራ ተገብቷል ያሉት ዳይሬክተሩ በዚህም የዘይት ምርት በአገር ውስጥ ትኩረት ተሰጥቶ እየተሰራነው ያሉት አቶ ካሳሁን 2 ፋብሪካዎች ዝግጅታቸውን አጠናቀው ወደ ስራ የገቡ ሲሆን ሌሎችም በቀጣይ እንደሚገቡ ተናግረዋል። ከውጪ የሚገቡ ምርቶችን በአገር ውስጥ ምርት ለመተካት የሚደረገው ጥረት በሌሎች የመሰረታዊ ሸቀጦች ላይ ተጠናክሮ እንደሚቀጥልም ተጠቁሟል።

ቅጽ 2 ቁጥር 119 የካቲት 6 2013

Comments: 0

Your email address will not be published. Required fields are marked with *

This site is protected by wp-copyrightpro.com