በኮሮና ቫይረስ ተይዘው ወደ ፅኑ ህሙማን ክፍል የሚገቡ ሰዎች ቁጥር መጨመር አሳሳቢ ሆኗል – ጤና ሚኒስቴር

Views: 63

የጤና ሚኒስቴር የህዝብ ግንኙነት እና ኮሙዩኒኬሽን ዳይሬክተር ዶክተር ተገኔ በኮረና በቫይረሱ ምክንያት የበርካታ ሰዎች ሕይወት እየጠፋ እነደሆነ ተናግረው፣በተጨማሪም በአገሪቱ ካለው የሰው ሰራሽ የመተንፈሻ ማሽን ውስንነት ጋር ተያይዞ አሁን ላይ በህክምና ተቋማት ውስጥ የመተንፈሻ መሳሪያዎች ለህሙማን በወረፋ እየተሰጠ ነው ብለዋል።
አሁን ላይ የቫይረሱ ስርጭት እየሠፋ፣ በቫይረሱ የመያዝና የመሞት ምጣኔም ከመቸውም ጊዜ በላይ ከፍተኛ እንደሆነም ገልጸዋል።
በዋናነት መዘናጋትና ቫይረሱን አቅልሎ ማየት፣ በህብረተሰቡ ውስጥ የቫይረስ መከላከል ትግበራው መቀዛቀዝ እና ፍጹም መዘናጋት ስለሚስተዋል ወረርሽኙ አሁንም ስጋት ሆኖ ቀጥሏልም ነው ያሉት።
ህብረተሰቡ አስፈላጊውን ጥንቃቄ በማድረግ ሕይወቱን መታደግ አለበት ያሉት ዶክተር ተገኔ፥ አመራሩም ርቀትን በመጠበቅ፣ የአፍና አፍንጫ መሸፈኛ ጭምብል በአግባቡ በመጠቀም እንዲሁም እጅን በመታጠብ በዋናነት ለራሱና ለቤተሰቡ እንዲሁም ለሚያገለግለው ህብረተሰብ አርዓያ ሆኖ ሃላፊነቱን እንዲወጣም ጠይቀዋል።
መንግስታዊና መንግስታዊ ያልሆኑ ተቋማትም ያለመሠላቸት ለተገልጋዮች አስፈላጊ ግብአቶችን በማቅረብና የጥንቃቄ እርምጃዎችን ተግባራዊ በማድረግ ቫይረሱን ለመከላከል የሚደረገውን ጥረት ሊደግፉ እንደሚገባም ጠቅሰዋል።
የሚዲያ ተቋማትም ህዝቡን በማስተማር፣ በማስጠንቀቅ፣ በተለያዩ የቫይረሱ ወቅታዊ ሁኔታዎች ላይ የህብረተሰቡን ግንዛቤ በማሳደግና በማስተማር የበኩላቸውን ሚና እንዲወጡ ጥሪ ማቅረባቸውን የሚኒስቴሩ መረጃ ያመላክታል።

ቅጽ 2 ቁጥር 120 የካቲት 13 2013

Comments: 0

Your email address will not be published. Required fields are marked with *

This site is protected by wp-copyrightpro.com