የእለት ዜና

የኢትዮጵያ ምርት ገበያ በ10 ወራት 569,767 ሜትሪክ ቶን ምርት በ36 ቢሊዮን ብር አገበያየ

የኢትዮጵያ ምርት ገበያ በ2013 በጀት ዓመት አስር ወራት 569,767 ሜትሪክ ቶን ምርት በ36.5 ቢሊየን ብር አገበያይቷል። አጠቃላይ ግብይቱ የዕቅዱን በመጠን 101 በመቶ፣ በዋጋ 107 በመቶ ይሸፍናል።
በበጀት ዓመቱ ከተገበያየው ምርት መጠን ውስጥ ቡና 35 በመቶ፣ ሰሊጥ 32 በመቶ፤ አኩሪ አተር 14 በመቶ፤ ቀይና ዥንጉርጉር ቦሎቄዎች 7 በመቶና ነጭ ቦሎቄ 5 በመቶ ድርሻ አላቸው።
በእነዚህ 10 ወራት 201,401 ቶን ቡና ለግብይት ቀርቦ በ21.8 ቢሊየን ብር፤ እንዲሁም 183,299 ቶን ሰሊጥ በ9.7 ቢሊየን ብር ለማገበያየት በቅቷል።
ዘመናዊ የግብይት ሥርዓትን የመዘርጋት አገራዊ ተልዕኮ የያዘው የኢትዮጵያ ምርት ገበያ አርሶ አደሩን ተጠቃሚ ለማድረግና የአገራችንን የወጪ ንግድ ለማሳደግ ዘርፈ ብዙ ተግባራትን እያከናወነ ይገኛል።
እንዲሁም ዘይት አምራች የግብርና ምርት አቀነባባሪ ኢንዱስትሪዎች ለግብዓት የሚጠቀሙበትን አኩሪ አተር ከዘመናዊ ግብይት ስርዓቱ ማግኘት የሚችሉበት አዲስ የገብይት መስኮት ከተከፈተበት ከጥቅምት 25 ቀን 2013 ዓም አንስቶ 25 አቀናባሪዎች 39,886 ሜትሪክ ቶን ምርት በ888 ሚሊየን ብር ማገበያየት ተችሏል።
ይህም የውጭ ምንዛሬን በማዳን ረገድ ከፍተኛ አስተዋጽኦ አለው።


ቅጽ 3 ቁጥር 133 ግንቦት 14 2013

Comments: 0

Your email address will not be published. Required fields are marked with *

This site is protected by wp-copyrightpro.com