የእለት ዜና

በክልሉ እየተስፋፋ የመጣውን የኤሌክትሪክ መሰረተ ልማት ስርቆት ሁሉም የህብረተሰብ ክፍል በጋራ ሊከላከል ይገባል፡-የአፋር ክልል ኤሌክትሪክ አገልግሎት

በአፋር ክልል እየተስፋፋ የመጣውን የኤሌክትሪክ መሰረተ ልማት ስርቆት ሁሉም የህብረተሰብ ክፍል በጋራ ሊከላከል ይገባል ሲል የአፋር ክልል ኤሌክትሪክ አገልግሎት ጥሪ አቀረበ።

ተቋሙ በክልሉ እያደገ የመጣውን የኤሌክትሪክ ፍላጎት ለማሟላት በከፍተኛ የውጭ ማንዛሬ በማስገባት የማስፋፊያ፤ የመልሶ ግንባታ እና አዳዲስ ከተሞች ላይ የኤሌክትሪክ መሰረተ ልማት ዝርጋታ በማከናወን የኤሌክትሪክ ተደራሽነትን በማስፋት ላይ እንደሚገኝ ገልጿል፡፡

ነገር ግን በአንዳድ የክልሉ ከተሞች በተለይም በአይሳኢታና ዱብቲ ከስኳር ፋብሪካው ጋር የተመሰረቱ መንደሮች እንዲሁም ለውሃ አግልግሎት የሚሰጡ ትራንስፈርመሮች እና የኤሌክትሪክ ሽቦና መለዋወጫ ላይ አሁን ባለው ዋጋ 3 ነጥብ 9 ሚሊዮን ብር በላይ ስርቆት መፈፀሙ ተነግሯል።

ይህንንም ስርቆት ተቋሙ በህግ ክትትል እየተደረገበት እንደሚገኝ የገለፀ ቢሆንም፤ የችግሩን አሳሳቢነትም በመረዳት የኤሌክትሪክ መሰረተ ልማት በከፍተኛ የውጭ ምንዛሬ የሚገዙና ከፍተኛ የህዝብ ሃብት የፈሰሰባቸው በመሆኑ ሁሉም ህብረተሰብ እንደራሱ ንብርት ጥበቃ ሊያደርግላቸው ይገባል ሲል አሳስቧል፡፡

ህብረተሰቡም በየአካባቢው የኤሌክትሪክ መሰረተ ልማት ላይ ጉዳት የሚያደርሱ ግለሰቦችን በአቅራቢያው ባለ ፖሊስ አልያም አገልግሎት መስጫ ማዕከላት በስልክ ቁጥር 0913834455 ላይ ጥቆማ እንዲሰጥ የአፋር ክልል ኤሌክትሪክ አገልግሎት ጥሪውን አቅርቧል፡፡

Comments: 0

Your email address will not be published. Required fields are marked with *

error: Content is protected !!