የእለት ዜና

በሕዝብ የተመረጠን መንግሥት ማገልገል ሕጋዊ ብቻ ሳይሆን ለሕዝብ ውሳኔ ተገዥነትንም ጭምር የሚያመለክት ነው፦ የኢፌዴሪ የመከላከያ ሚኒስቴር

በሕዝብ የተመረጠን መንግሥት ማገልገል ሕጋዊ ብቻ ሳይሆን ለሕዝብ ውሳኔ ተገዥነትንም ጭምር እንደሚያመለክት የኢፌዴሪ መከላከያ ሚኒስቴር አስታወቀ።

በሚኒስቴሩ የሕዝብ ግንኙነት ዳይሬክተር ኮ/ል ጌትነት አዳነ፣ በሕገ-መንግሥቱ አንቀፅ 8 ቁጥር 2 ላይ “… ይህ ሕገ-መንግሥት የሉዓላዊነታቸው መገለጫ ነው።…” እንደሚል ገልጸው፣ “በመሆኑም የመከላከያ ሠራዊት ቃሉን ጠብቆ በከፈለው እልህ አስጨራሽ መሥዋዕትነት ሕዝብ ለመረጠው የመንግሥት ምሥረታ በቅቷል።” ብለዋል።
“በዚህም በጓዶቻችን መሥዋዕትነት ለተመሠረተው መንግሥት መብቃታችን ለኢትዮጵያ ሕዝብ ያለንን ታማኝነት ያረጋገጥንበት ስለሆነ ሉዓላዊነታችንን ጠብቀን ከዚህ ስለደረስን ከፍተኛ ኩራት ይሰማናል” ነው ያሉት።
“ሥልጣን በምርጫ ብቻ የሚያዝ እንጂ በማንኛውም አቋራጭ መንገድ የሚፈፀም አለመሆኑን ሕገ-መንግሥቱ ደንግጓል፤ ሠራዊቱም ለዚህ ሕገ-መንግሥታዊ ድንጋጌ እውናዊነት ታሪክ የሚያወሳው ዋጋ ከፍሏል” ሲሉም አክለዋል።
ኮ/ል ጌትነት፣ “የመከላከያ ሠራዊት ቃሉን ጠብቆ ለሕግ የበላይነት ሲተጋ የመጨረሻ ምሽግ መሆኑን ያወቁ ሀገር አፍራሽ ኃይሎች ከውጭ እና ከውስጥ ያላቸውን አማራጮች ሁሉ ተጠቅመው ገጥመውናል። ይሁን እንጂ ደማችን ጎርፍ ሆኖ ወስዷቸዋል፤ አጥንታችን እሾክ ሆኖ ወግቷቸዋል፤ ያፈረሱት ቃል እንጂ ሀገር እንደሌለ አሳይተናቸዋል” ሲሉ ተናግረዋል።
ወደፊትም የኢትዮጵያ ሕዝብ ለመረጠው መንግሥት በመታዘዝ እና የኢትዮጵያን አንድነት ዛሬም እንደትናንቱ በትግላችን የታፈረች እና የተከበረች ሀገር ለመጭው ትውልድ እንደምናስረክብ እርግጠኞች ነን ማለታቸውን ከመከላከያ ሚኒስቴር ያገኘነው መረጃ ያመለክታል።
__________________________
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n
Comments: 0

Your email address will not be published. Required fields are marked with *

error: Content is protected !!