የእለት ዜና

ሁዋዌ ኢትዮጵያ በቀጣይ ዓመት የምታዘጋጀውን ዓለም አቀፍ የኢንተርኔት አስተዳደር ጉባኤ እንደሚደግፍ ገለጸ

ዕሮብ ታህሳስ 27/2014 (አዲስ ማለዳ) ሁዋዌ ቴክኖሎጂ ግሩፕ ኢትዮጵያ በቀጣይ አመት የምታዘጋጀውን ዓለም አቀፍ የኢንተርኔት አስተዳደር ጉባኤ በገንዘብና በቴክኒክ እንደሚደገፍ አስታወቀ።

የኢኖቬሽንና ቴክኖሎጂ ሚኒስትር ዴኤታ ሁሪያ አሊ፤ ከሁዋዌ ቴክኖሎጂ ግሩፕ ምክትል ሥራ አስፈፃሚ ቻርለስ ዲንግ ጋር በተለያዩ ጉዳዮች መክረዋል።

በምክክራቸውም ምክትል ሥራ አስፃሚው ቻርለስ ዲንግ በኢንፎርሜሽን ኮሙዩኒኬሽን ቴክኖሎጂ ዘርፍ ከመንግስትንና ከግሉን ዘርፍ ጋር በጋራ መስራት እንደሚፈልጉ ጠቁመዋል።

የኢኖቬሽንና ቴክኖሎጂ ሚኒስትር ዴኤታ ሁሪያ አሊ፤ ሁዋዌ አለም አቀፍ የኢንተርኔት አስተዳደር ጉባኤ ዝግጅትን ለመደገፍ ቃል በመግባቱ ምስጋናቸውን አቅርበዋል።

ሁዋዌ የቴክኖሎጂ ግሩፕ በዓለም ላይ ካሉት ሰራተኞቹ ውስጥ ኢትዮጵያውያን በጣም ጥቂት ናቸው ያሉት ሚኒስትር ዴኤታዋ ኢትዮጵያውያንን ማሳተፍ ላይ በትኩረት እንዲሰራ ጠይቀዋል።

ሁዋዌ የቴክኖሎጂ ግሩፕ በዓለም ላይ ከ197ሺ በላይ ሰራተኞች አሉት። አፍሪካ ውስጥ ካሉት 8ሺ 600 ሰራተኞች ውስጥ 76 ከመቶ አፍሪካውያን ሲሆኑ ኢትዮጵያውያ ውስጥ ካሉ በመቶዎች ከሚቆጠሩ ሰራተኞች ውስጥ 80 ከመቶዎቹ የአገር ውስጥ መሆናቸውን ከሚኒስቴሩ ያገኘነው መረጃ ያመላክታል።
_______
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n

Comments: 0

Your email address will not be published. Required fields are marked with *

error: Content is protected !!