የእለት ዜና

በአዲስ አበባ ሞተር ሳይክሎች ከአሽከርካሪዎች ውጭ ተሳፋሪ እንዳይጭኑ ታገዱ

እየደረሰ ያለውን የትራፊክ አደጋ መበራከት ተከትሎ በአዲስ አበባ ሞተር ሳይክሎች ከአሽከርካሪዎች ውጭ ሌላ ተሳፋሪ እንዳይጭኑ ታገዱ።
የአዲስ አበባ ከተማ አስተዳደር የትራንስፖርት ቢሮ፣ የሞተር ሳይክል አሽከርካሪዎች ከአሽከርካሪዎች ውጭ ሌላ ተሳፋሪ እንዳይጭኑ ዕገዳ ጥሏል።
ቢሮው አክሎም፣ በከተማዋ በሞተር ሳይክል ምክንያት የሚደርሱ የትራፊክ አደጋዎችንና ሕገ- ወጥ ድርጊቶችን መከላከል የሚያስችል የሞተር ሳይክል ፈቃድና ቁጥጥር መመሪያ አውጥቻለሁ ብሏል።
በአሁኑ ወቅት ውጭ አገር የሚኖሩ ኢትዮጵያውያን፣ ትውልደ ኢትዮጵያውያን እና የኢትዮጵያ ወዳጆች ወደ አገር ቤት እንዲገቡ የቀረበውን ጥሪ ተከትሎ በርካታ የዳያስፖራ አባላት ወደአገራቸው እየገቡ ይገኛል። እንዲሁም ወቅቱ የበዓል ሰሞን እንደመሆኑ በርካታ የከተማዋ ነዋሪዎች ከቦታ ቦታ በብዛት እንቅስቃሴ እያደረጉ ሲሆን፣ ይህን ተከትሎ በከተማዋ የትራፊክ መጨናነቅ እና የዝርፊያ ምልክቶች እየታዩ መሆኑን ቢሮው ገልጿል።
በመሆኑም ከታኅሣሥ 22 ቀን 2014 ጀምሮ፣ ላልተወሰነ ጊዜ የሞተር ሳይክል አሽከርካሪዎች ከአሽከርካሪዎች ውጭ ሌላ ተሳፋሪ እንዳይጭኑ ቁጥጥር እንዲደረግ እና ዕርምጃ እንዲወሰድ ቢሮው መወሰኑን አስታውቋል።


ቅጽ 4 ቁጥር 166 ታኅሣሥ 30 2014

Comments: 0

Your email address will not be published. Required fields are marked with *

error: Content is protected !!