በሐዋሳ ኢንዱስትሪ ፓርክ ውስጥ ያሉ ኹሉም ሼዶች በ2012 ወደ ስራ ይገባሉ

Views: 296

የሐዋሳ ኢንዳሰትሪያል ፓርክ አስተዳደር እና በፓርኩ የሚገኙ ድርጅቶች በቅርቡ ኹሉንም ሼዶች ሙሉ በሙሉ ወደ ስራ ለማስገባት እየሰሩ መሆኑን የፓርኩ አስተዳደር ገለጸ፡

የሐዋሳ ኢንዳሰትሪያል ፓርክ ዋና አስተዳዳሪ አቶ ፍጹም ከተማ ለአዲስ ማለዳ እንደገለጹት የተገነቡት 52 ሼዶች ለ21 ድርጅቶች ሙሉ በሙሉ የተከፋፍሉ ሲሆን አብዛኛዎቹ የቅድመ ዝግጅት ስራ እንደጨረሱ ገልጸዋል፡፡

የተገነቡትን ሸዶች ከያዙት 21 ድርጅቶች ዉስጥ ብዙዎቹ አራት እና አምስት ሼዶችን የያዙ ሲሆን፡ እነዚህ ድርጅቶችም ኢንዳስተሪያል ፓርኩን በሚቀጥለው ዓመት 2012 ሙሉ በሙሉ ወደስራ ለማስገባት የሚያስችሉ ማሽነሪዎችን የመትከል ስራ ለማከናወን የሚስችላቸዉን የቅደመ-ዝግጅት ስራ እያከናወኑ እንደሆነ አስተዳዳሪው አስታውቀዋል፡፡

እንደ  ፍፁም ማብራሪያ  የተገነቡት 52 ሼዶች ሙሉ በሙሉ ወደስራ ሲገቡ አሁን በፓረኩ ዉስጥ የተፈጠረዉን 27ሽሕ የስራ ዕድል ወደ 60ሽሕ ከፍ እንደሚያደርገዉ ገልፀዋል፡፡

በቀጥታ ከሚፈጠረዉ 60ሽሕ የስራ ዕድል በተጨማሪም በዐስር ሽዎች ለሚቆጠሩ ዜጎች ቀጥተኛ ያልሆነ የስራ ዕድል እንደሚፈጥርም ለአዲስ ማለዳ በሰጡት ማብራሪያ ገልፀዋል፡፡

የኢንዱስትሪ ፓርኩ በዋናነት ታስቦ ከተገነባበት ዋነኛ ዓላማ በተለይም ኢንቨስትመንትን ከመሳብ እና ስራ ዕድል ከመፍጠር ባሻገር ለሐዋሳ ከተማ ከፍተኛ የኢኮኖሚ መነቃቃትእንደፈጠረ የፓርኩ ዋና አስተዳዳሪ ገልፀዋል፡፡

በቻይናዉ ግዙፍ ሲቪል ምሕንድስና ኮንስትራክሽን ኮርፖሬሽን CCECC የተገነባዉ የሐዋሳ ኢንዱስትሪ ፓርክ በ 2008 በጀት ዓመት ነበር ተጠናቆ የተመረቀዉ፡፡

የሐዋሳ ኢንዱስትረ ፓርክ የፕሮጀክት ማናጀር ሶንግ ዋንግ በበከሉ ኢንዳስትሪል ፓርኮቹ ዓለም አቀፍ መስፈረትን መሰረት አድርገዉ የተገነቡ እንደሆኑ ይገልፃል፡፡

CCECC ከሐዋሳ ኢንዱሰትሪ ፓርክ በተጨማሪም በመላ ኢትዮጵያ የገነባቸዉ ኢንዱሰትሪ ፓረኮች የኢትዮጵያን እንቨስትመንት የመሳብ እቅድ እና ዓለም አቀፍ ልምድን መሰረት ያደረጉ እንደሆኑ ሶንግ ገልፀዋል፡፡

Comments: 0

Your email address will not be published. Required fields are marked with *

This site is protected by wp-copyrightpro.com