“የኢትዮጵያ መንግስት ከምንም በላይ ቅድሚያ የሚሰጠው ለሰላም ነው። በማንኛውም ጊዜ ድርድር ይደረጋል።”፦ ጠቅላይ ሚኒስትር ዐቢይ አህመድ

0
1317

ሐሙስ ሰኔ 30 ቀን 2014 (አዲስ ማለዳ) የኢትዮጵያ መንግስት ከምንም በላይ ቅድሚያ የሚሰጠው ለሰላም ነው። በማንኛውም ጊዜ ድርድር ይደረጋል ሲሉ ጠቅላይ ሚኒስትር ዐቢይ አህመድ ተናገሩ።

የጠቅላይ ሚኒስትሩ ዛሬ በህዝብ ተወካዮች ም/ቤት ቀርበው ከምክር ቤቱ አባላት ለተነሳላቸው ጥያቄ ማብራሪያ እና ምላሽ ሰጥተዋል።

ከምክር ቤቱ አባላት ከህወሃት ቡድን ጋር ይደረጋል ስተለተባለው ድርድር ለቀረበላቸው ጥያቄ ሲመልሱ፤ የኢትዮጵያ መንግስት ከምንም በላይ ቅድሚያ የሚሰጠው ለሰላም ነው። በማንኛውም ጊዜ ድርድር ይደረጋል ብለዋል።

ምክንያቱም ሲያስረዱ፤ “ጥላቶቻችን እነዚህ በውስጥ ያሉ ሀይሎችን በመጠቀም አገራችንን እየጎዱ ነው። ስለዚህ ይህንን ከምንጩ ለማድረቅ የንግግር እድል ካለ እርሱን እንጠቀም ነው ዋናው ምክንያቱ። ድርድሩ ይሳካል አይሳካም ሂደቱ ይወስነዋል። ለንግግር ክፍት መሆን ግን ችግሩ አይታይኝም።” ሲሉም ገልፀዋል።

መልስ አስቀምጡ

Please enter your comment!
Please enter your name here