ማክሰኞ መስከረም 29 ቀን 2016 (አዲስ ማለዳ) በትግራይ ክልል በ2012 የ12ኛ ክፍል ፈተና ተፈታኝ የነበሩና መልቀቂያ ፈተናውን ሳይወሰዱ ለቀሩ ተማሪዎች የሚሰጠው የመልቀቂያ ፈተና በዛሬው ዕለት መሰጠት ጀምሯል፡፡
በዚህም መሰረት በክልሉ 9 ሺሕ 514 የ12ኛ ክፍል ተማሪዎች የመልቀቂያ ፈተና እንደሚወስዱ የትግራይ ክልል ጊዜያዊ አስተዳደር ትምህርት ቢሮ አስታውቋል፡፡
ከዚህም ውስጥ 6 ሺሕ 513 ተማሪዎች የተፈጥሮ ሳይንስ ተፈታኝ ሲሆኑ፤ 3 ሺሕ 1 የሚሆኑት ደግሞ የማህበራዊ ሳይንስ ተማሪዎች መሆናቸውን ቢሮው ገልጿል፡፡
ፈተናው ከዛሬ ጀምሮ ለአራት ተከታታይ ቀናት የሚሰጥ ሲሆን፤ ተማሪዎቹ በመቀሌ፣ በአክሱም፣ በአዲግራት እና በራያ ዩኒቨርሲቲዎች ፈተናውን በመውሰድ ላይ ይገኛሉ፡፡



