ረቡዕ ጥቅምት 06 ቀን 2017 (አዲስ ማለዳ) የኦጋዴን ነጻ አውጪ ግንባር (ኦብነግ) እንደ አውሮፓዊያን አቆጣጠር በ2018 ከፌዴራል መንግስቱ ጋር የተፈራረመውን የሰላም ስምምነት አፈጻጸም በሚመለከት ውይይት ለማድረግ ልዩ ስብሰባ ጠርቷል፡፡
ነጻ አውጪ ግንባሩ የማእከላዊ ኮሚቴ ስብሰባውን ከፈረንጆቹ ጥቅምት 25-27 እንደሚያከናውን ባወጣው መግለጫ አስታውቋል፡፡
በስበሰባው በኢትዮጵያና በአፍሪካ ቀንድ ባለው ወቅታዊ ሁኔታ ዙሪያ ለመወያየትና ግንባሩ ከዚሁ ጋር በተያያዘ መውሰድ ስላለበት አቋም በዝርዝር ለመወያየት ማቀዱም ታውቋል፡፡
የኦጋዴን ነጻ አውጪ ግንባር ከቅርብ ጊዚያት ወዲህም ከፌዴራል መንግስቱ ጋር ያሰርኩት ስምምነት በተገቢው መንገድ እየተተገበረ አይደለም ሲል ተደጋጋሚ ወቀሳዎችን ሲያቀርብ ይደመጣል፡፡



