ረቡዕ ጥቅምት 06 ቀን 2017 (አዲስ ማለዳ) የኢትዮ ቴሌኮም የአክሲዮን ድርሻ ከዛሬ ጀምሮ በቴሌብር መተግበሪያ አማካኝነት መግዛት እንደሚቻል የኢትዮ ቴሌኮም ዋና ስራ አስፈጻሚ ፍሬህወት ታምሩ አስታውቀዋል።
ጠቅላይ ሚኒስትር አቢይ አህመድ የኢትዮ ቴሌኮም የአክሲዮን ድርሻ የድርሻ ሽያጩን በይፋ አስጀምረዋል።
ጠቅላይ ሚኒስትሩ ኢትዮጵያውያን ከዛሬ ጀምሮ የኢትዮ ቴሌኮም አክሲዮን በመግዛት የኢትዮ ቴሌኮም ባለድርሻ እንዲሆኑ ጋብዘዋል።
የኢትዮ ቴሌኮም የአክሲዮን ድርሻ ከዛሬ ጀምሮ በቴሌብር መተግበሪያ መግዛት እንደሚቻል የኢትዮ ቴሌኮም ዋና ስራ አስፈጻሚ ፍሬህወት ታምሩ አስታውቀዋል።
የኢትዮ ቴሌኮም ዋና ስራ አስፈጻሚ ፍሬህወት ታምሩ የኢትዮ ቴሌኮም የሀብት መጠን 100 ቢሊየን ብር መሆኑን አስታውቀዋል።
ከዚህ ውስጥ ለሽያጭ የቀረበው 10 በመቶ ነው ያሉት ዋና ስራ አስፈጻሚዋ፣ ይህ በብር ሲተመንም 100 ሚሊየን ብር ነው ብለዋል።
ለሽያጭ የቀረበው የአንድ አክሲዮን ዋጋ 300 ብር መሆኑን ያስታወቁት ስራ አስፈጻሚዋ፣ ዝቅተኛ መግዛት የሚቻለው ሼር 33 ሼር መሆኑን እና በብር ሲተመን 9 ሺህ 900 ብር እንደሆነም ገልጸዋል።
ከፍተኛ መግዛት የሚቻለው ሼር 3 ሺህ 333 ነው ያሉት ስራ አስፈጻሚዋ፣ በብር ሲተመን 999 ሺህ 900 ብር እንደሆነም አስታውቀዋል።
ሁሉም ኢትዮጵያውያን ግለሰቦች መግዛት እንደሚችሉ ያስታወቁት ወ/ት ፍሬህይወት፣ ተቋማት አክሲዮንን መግዛት አይችሉም ብለዋል።
የአክሲዮን ሽያጩ ዛሬ ጥቅምት 06 ቀን 2017 እንደሚጀምር እና ታህሳስ 25፣ 2017 ዓ.ም እንደሚጠናቀቅም ዋና ስራ አስፈጻሚዋ አስታውቀዋል።


