‹‹የማህበራዊ ጤና መድህን አገልግሎትን ለማስጀመር የተለያዩ ዝግጅቶች እየተደረጉ ነው››የኢትዮጵያ ጤና መድህን አገልግሎት

0
443

ረቡዕ መስከረም 14 ቀን 2017 (አዲስ ማለዳ) የመንግስት ሰራተኛውንና ከ10 በላይ ሰራተኛ ቀጥረው የሚያሰሩ የግል ተቋማትን ተጠቃሚ የሚያደርገውን የማህበረሰብ አቀፍ የጤና መድህን አገልግሎትን ለማስጀመር ዝግጅቶች እየተከናወኑ መሆኑን የኢትዮጵያ ጤና መድህን አገልግሎት አስታውቋል፡፡

የማህበረሰብ ጤና መድህንን ለማስጀመር ከሲቪል ሰርቪስ ኮሚሽን ጋር በመነጋገር የመዋቅር ለውጦች ማድረጉንም አገልግሎቱ አስረድቷል፡፡

የማህበረሰብ ጤና መድህን አገልግሎትን በፐርሰንት ከሰራተኛው በሚቆረጥ መዋጮ የሚሰጥ የጤና መድህን ፕሮግራም መሆኑን የገለጸው አገልግሎቱ በዝቅተኛ ደረጃ ያለውን የህብረተሰብ ከፍል ተጠቃሚ በማድረግ ረገድም እንደሚሰራ አስታውቋል፡፡

የኢትዮጵያ ጤና መድህን አገልግሎት ዜጎች ካልተገባ የጤና ወጪ ተጠብቀው ጥራት ያለው የጤና አገልግሎት እንዲያገኙ እየሰራ መሆኑን ጠቅሶ አሁን ላይም የማህበረሰብ ጤና መድህን አገልግሎትን ለማስጀመር የቅድመ ዝግጅት ስራዎችን እያከናወነ መሆኑን ገልጿል፡፡

መልስ አስቀምጡ

Please enter your comment!
Please enter your name here