👉”በወልቂጤ ከተማም ብሄርን መሰረት በማድረግ በርካታ ሰዎች ታስረዋል” ጉባዔው
ሀሙስ ጥቅምት 28 ቀን 2017 (አዲስ ማለዳ) የኢትዮጵያ ሰብዓዊ መብቶች ጉባዔ (ኢሰመጉ) ባወጣው መግለጫ ጥቅምት 17/2017 በአማራ ክልል በአዊ ብሄረሰብ ዞን አዲስ ቅዳም ከተማ የፋኖ ደጋፊ ናችኹ በሚል አረጋዊያንን ጨምሮ በርካታ ሰዎች መግደላቸውን ገልጿል።
በክልሉ በቀጠለው ግጭት በመንግስትና በፋኖ ታጣቂዎች በሚተኮሱ ጥይቶች የንጹሀን ሰዎች ህይወት አያለፈ አንደሚገኝ በሪፖርቱ ተጠቅሷል።
እንዲሁም በኦሮሚያ ክልል ምስራቅ ሸዋ ዞን ዱግዳ ቦሩ ወረዳ እና ሰሜን ሸዋ ዞን ደራ ወረዳ “በታጠቁ አካላት” በተፈጸመ ጥቃት በርካታ የንጹሀን ሰዎች እንደተገደሉ አስታውቋል።
በማእከላዊ ኢትዮጵያ አና ቤኒሻንጉል ጉሙዝ ክልሎች በርካታ ሰዎች ያለፍርድ ቤት ተእዛዝ በቁጥጥር ስር ውለው በተለያዩ ማቆያ ጣቢያዎች እንደድሚገኙ ኢሰመጉ አመልክቷል።
በተለይም በወልቂጤ ከተማ የሚታየው የዜጎች እስር ብሄርን መሰረት ያደረገ መሆኑን ጠቁሟል።
የፌደራል አና የሚመለከታቸው የክልል መንግስታት አነዚህን የመብት ጥሰቶች እንዲያስቆሙ ኢሰመጉ ጥሪውን አቅርቧል፡፡



