ወጋገን ባንክ ባለፈው ዓመት የተጣራ 1.6 ቢሊዮን ብር ማትረፉን አስታወቀ

0
116

👉🏽ወጋገን ባንክ ከታክስ በኋላ በእያንዳንዱ አክሲዮን ያስገኘው ትርፍ 36 በመቶ በላይ መሆኑን አስታወቋል

ዕረቡ ህዳር 04 ቀን 2017 (አዲስ ማለዳ) ወጋገን ባንክ የ2016 የሒሳብ ዓመት አፈጻጸሙን ሪፖርት ባቀረበበት ወቅት በበጀተ ዓመቱ በሁሉም የባንኩ አገልግሎት ዘርፍ አመርቂ ውጤት ማምጣቱን እና 9.8 ቢሊዮን ገቢ እንዳገኘ እና ይህም ከባለፈው ዓመት ተመሳሳይ ወቅት አንፃር የ40 በመቶ ብልጫ እንዳለው ተገልጻል፡፡

ባንኩ በተጠናቀቀው የሒሳብ ዓመት ያስመለሰው የብድር መጠን 12.4 ቢሊዮን ብር መሆኑን እና በሰሜኑ ጦርነት ወቅት ያበደራቸውን ብድሮች ማስመለስ አለመቻሉ ካጋጠሙት ችግሮች ውስጥ ቢሆንም ከፍተኛ ማሻሻል እና ለውጥ ማሳየቱን የወጋገን ባንክ የዳይሬክተሮች ቦርድ ሰብሳቢ አቶ አብዲሹ ሁሴን ገልጸዋል፡፡

አክለውም የባንኩ የተከፈለ ካፒታል የ27 በመቶ እድገት በማሳየት በበጀት ዓመቱ መጨረሻ 5.1 ቢሊዮን መድረሱን እና ይህም ብሔራዊ ባንክ ካስቀመጠው የባንኮች አነስተኛ የካፒታል መስፈርት በላይ መሆኑን የቦርድ ሰብሳቢው አስታውቀዋል፡፡

እስከ ሰኔ 30 ቀን 2016 ድረስ በመላው ኢትዮጵያ የከፈታቸው 436 ቅርንጫፎች ያሉት ሲሆን፣ የኢንተርኔት ባንኪንግ፣ የሞባይል ባንኪንግ፣ የካርድ ባንኪንግና የወኪል ባንክ አገልግሎቶችን በ360 ኤቲኤም፣ 436 የክፍያ መፈጸሚያ ማሽኖች አገልግሎት እየሰጡ መሆኑም ተጠቅሷል፡፡

መልስ አስቀምጡ

Please enter your comment!
Please enter your name here