በአርሲ ዞን አገልጋይ ካህንን ጨምሮ 6 ምዕመናን በታጣቂዎች መገደላቸው ተሰማ 

0
621

አርብ ነሐሴ 10 ቀን 2016 (አዲስ ማለዳ) በአርሲ ሀገረ ስብከት፣ በአሰኮ ወረዳ በጢዮ ቀበሌ ጠለታ ጨፋ ከተማ ” የጠለታ ቅዱስ ገብርኤል ቤተ ክርስቲያን ” አገልጋይ ካህንን ጨምሮ 6 ምዕመና በታጣቂዎች መገደላቸውን የአካባቢው ነዋሪዎችን ዋቢ በማድረግ ማኅበረ ቅዱሳን ቴሌቪዥን ዘግቧል።

ካህኑ ሥጋ ወደሙን አቀብለው ምእመናንን እያሳለሙ በነበረበት ሰዓት እንደተገደሉ የገለጸው ዘገባው 3 ምዕመናን ደግሞ ከባድ ጥቃት ደርሶባቸው በህክምና ላይ እንደሚገኙ ገልጿል።

ነዋሪዎቹ ድርጊቱን የፈጸሙት ” ኦነግ ሸኔ ” ተብለው የሚጠሩ ታጣቂዎች ናቸው ያሉ ሲሆን ግድያው የተፈጸመው ከነሐሴ 7 ቀን 2016 ዓ/ም ጀምሮ እንደሆነ ነዋሪዎቹ አመልክተዋል።

ከዚህ ባለፈም ፥ በተለያየ መንገድ ቤተ ክርስቲያኗን ሲረዱ የነበሩ ምዕመናን ተለይተው ሀብት እና ንብረታቸው መቃጠሉንና የአካባቢው ምእመናን ቤታቸውን ትተው በዱር በስጋት ውስጥ እንደሆኑ ተጠቁሟል።

ጥቃቱ ከዚህ ቀደምም ተፈጥሮ እንደነበር አንስተው ” ለበላይ አካል ብናሳውቅም ጩኸታችንን የሚሰማ አጥተናል ” በማለት ጥሪ ማቅረባቸውን የተገኘው መረጃ ያሳያል።

መልስ አስቀምጡ

Please enter your comment!
Please enter your name here