‹የጸጥታ ኃይሉ ለመተከል ዞን ዘላቂ ሰላም መረጋገጥ የተቀናጀ ስራ እያካሔደ ነው››

0
481

በቤኒሻንጉል ጉሙዝ ክልል የመተከል ዞን ጸጥታ ችግርን ለመፍታት የጸጥታ ሃይሎችን ኦፕሬሽን ጨምሮ በሀገር ሽማግሌዎች የተዋቀረ ስራ እየተከናወነ መሆኑን የክልሉ ሠላም ግንባታና ጸጥታ አስተዳደር ቢሮ አስታወቀ፡፡ ሰሞኑን በዞኑ ዳንጉር ወረዳ በንጹሃን ላይ ጥቃት በፈጸሙ 14 ጸረ-ሠላም ሃይሎች ላይ እርምጃ መወሰዱም ተገልጿል።

የክልሉ ሠላም ግንባታ እና ጸጥታ አስተዳደር ቢሮ ሃላፊ  ጋሹ ዱጋዝ  እንደገለፁት የጥፋት ሃይሎች በዞኑ ዳንጉር ወረዳ መስከረም 26 / 2013  ከአሶሳ ወደ ግልገል በለስ ሲጓዙ የነበሩ የህዝብ ማመላሻ ሌሎች ሁለት ተሸከርካሪዎች ላይ ጥቃት አድርሰዋል።

በጥቃቱም አንድ ቻይናዊን የ14 ንጹሃን ሰዎች ሕይወት ሲያልፍ ስምንት ሰዎች ደግሞ ጉዳት ደርሶባቸው በፓዌ ሆስፒታል በህክምና ላይ መሆናቸውን አስታውቀዋል። “የተደራጀው የጸጥታ አስከባሪ ሃይል በወሰደው የማጥቃት እርምጃ 14 የጥፋት ሃይሎች ሲደመሰሱ 2 ደግሞ በቁጥጥር ስር ውለዋል” ብለዋል፡፡

አምስት ክላሽንኮቭ እና 10 ኋላቀር የጦር መሣሪዎችም በቁጥጥር ስር እንደዋሉ አስረድተዋል፡፡ ከዚሁ ጥቃት ቀደም ብሎ ሌሎች ጉዳት ሊያስከትሉ የነበሩ ስድስት የጥፋት ሃይሎች በህዝብ ጥቆማ በቁጥጥር ስር የዋሉ ሲሆን ከመካከላቸው አንዱ ሱዳናዊ መሆኑንም አመልክተዋል፡፡

መልስ አስቀምጡ

Please enter your comment!
Please enter your name here