በኢትዮጵያ መንግስት በአሸባሪነት በተፈረጀው በሕወሓት ቡድን የተገደሉ የትግራይ ጊዜያዊ አስተዳደር አባላትን የሚያስብ የትግራይ ተወላጆች የሚሳተፉበት የሻማ ማብራት ሥነ-ስርዓት ነገ በአዲስ አበባ እንደሚካሄድ ተገለፀ።
ከሰልፉ አስተባባሪዎች መካከል አንዱ የሆኑት ጋዜጠኛ አርዓያ ተስፋማሪያም የሻማ ማብራትና የጸሎት ስነ-ስርዓቱን አስመልከቶ ማብራሪያ ሰጥተዋል።
ጋዜጠኛ አረዓያ እንደተናገሩት፤ 53 የትግራይ ተወላጆች በቀናነት ሕዝባቸውን ለማገልገል በስራ ላይ ተሰማርተው በአሸባሪው ተገድለዋል።
በነገው እለትም የትግራይ ተወላጆችና ወዳጆች በተገኙበት እነዚህን ንጹሃን የሚያስብ የሻማ ማብራትና የጸሎት ፕሮግራም ይካሄዳል ማለቱን ኢዜአ ዘግቧል።
ከመታሰቢያ መርሃ ግብሩ በኋላም በኢትዮጵያ ሰብዓዊ መብት በኩል የእነዚህ ንጹሃን ሁኔታ እንዲከታተል መልዕክት እንደሚተላለፍ ጋዜጠኛ አርዓያ ተናግሯል።



