14ኛው የሰንደቅ አላማ ቀን “በአዲስ ምዕራፍ በተሟላ ሉአላዊነት ለሰንደቅ አላማ ከፍታ” በሚል መሪ ቃል በመላው ኢትዮጵያ እየተከበረ ይገኛል።
በተሻሻለው የሰንደቅ ዓላማ ዐዋጅ ቁጥር 863/2006 አንቀጽ 2 መሰረት የሰንደቅ ዓላማ ቀን በየዓመቱ ጥቅምት ወር በገባ በመጀመሪያው ሰኞ በመላ አገሪቱ እንዲከበር መደንገጉ ይታወቃል።
በዚህ መሠረት “በአዲስ ምዕራፍ በተሟላ ሉአላዊነት ለሰንደቅ አላማ ከፍታ” በሚል መሪ ቃል በህዝብ ተወካዮች ም/ቤት ግቢ በመከበር ላይ ነው።
በክብረ በዓሉ ላይ የኢፌዴሪ ፕሬዘዳንት ክብርት ሳህለወርቅ ዘውዴን ጨምሮ የህዝብ ተወካዮች ም/ቤት አፈ ጉባዔ የሃይማኖት ተቋማት መሪዎችና ከፍተኛ የመንግስት የሥራ ሃላፊዎች ተገኝተዋል።
በዓሉ በተመሳሳይ ሰዓት በመላ የአገሪቱ ክፍሎች እና በተለያዩ ሚኒስቴር መ/ቤቶች በመከበር ላይም ይገኛል።
______________________________
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n





