“ተለዋዋጭ በሆነው የአፍሪካ ቀንድ አካባቢ እና በአህጉር ደረጃ በጋራ እና በትብብር መስራት ይገባል”:- የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ

0
1324

ዕረቡ ግንቦት 3 ቀን 2014 (አዲስ ማለዳ) በአፍሪካ ሰላም እና ደህንነት እንዲረጋገጥ ተለዋዋጭ በሆነው የአፍሪካ ቀንድ አካባቢ እንዲሁም በአህጉር ደረጃ በጋራ እና በትብብር መስራት ይገባል ሲሉ የኢፌዴሪ የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ ገለጹ፡፡

የአፍሪካ የመከላከያ ኤታማዦር ሹሞች እና የደህንነት ኃላፊዎች 17ኛው መደበኛ ስብሰባ ለማዘጋጀት የልዩ ቴክኒካል ኮሚቴ የመከላከያ፣ ደህንነት እና ደህንነት (STCDSS) የባለሙያዎች ስብሰባ በአዲስ አበባ እየተካሄደ ይገኛል።

የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ በአፍሪካ ሰላም እና ደህንነት እንዲረጋገጥ የጋራ ጥረቶች ይጠይቃሉ ያሉ ሲሆን፤ ተለዋዋጭ በሆነው የአፍሪካ ቀንድ እና በአህጉር ደረጃ በጋራ እና በትብብር መስራት እንደሚገባም ገልፀዋል።

ኢትዮጵያ የፀጥታ እና የደህንነት ስጋቶችን በመለየት እና ፈጣን ምላሽ በመስጠት በኩል እየተደረጉ ያሉ ጥረቶች አበረታች መሆኑን በመድረኩ ተገልፆል።

በምክክር መድረኩ የአፍሪካ ህብረት የፖሊሲ አካላት የሰላም እና የጸጥታ ውሳኔዎችን በተለይም የSTCDSS 13ኛ መደበኛ እና 3ኛ ድንገተኛ ስብሰባዎች በየነ መረብ መድረክ የተካሄዱትን የሰላም እና የጸጥታ ውሳኔዎች አፈፃፀም ገምግሟል።

የአፍሪካ ህብረት ኮሚሽን የኮቪድ-19 ወረርሽኝ ከተከሰተበት ጊዜ አንስቶ ለመጀመሪያ ጊዜ በአካል የተደረገው የSTCDSS የባለሙያዎች ስብሰባ ላይ የተገኙትን ኹሉንም ልዑካን እንኳን ደህና መጣችሁ ያሉት የግጭት አስተዳደር ዳይሬክቶሬት ዳይሬክተር ዶ/ር አላሃጅ ሶርጆ ባህ ናቸዉ።

ካለፉት ስብሰባዎች ጀምሮ በኮሚሽኑ የተከናወኑ ቁልፍ ክንውኖችን ገልፀው የሚመለከታቸው የሕብረቱ የፖሊሲ አካላት ቁልፍ የሰላም እና የደህንነት ውሳኔዎችን አተገባበር ላይ ወቅታዊ መረጃ ሰጥተዋል።

ኮሚሽኑ የሚመለከታቸው የአፍሪካ ህብረት የፖሊሲ አካላት ውሳኔዎችን በማስፈጸም ረገድ ባለፉት ሁለት የSTCDSS ስብሰባዎች እስካሁን ያስመዘገበውን ውጤት ጠቁመዋል።

ይህም በአፍሪካ ህብረት የሰላም ድጋፍ ኦፕሬሽን (PSOs) እና ወደ አፍሪካ ሰላም እና ደህንነት ንድፍ (APSA) የመግባት ረቂቅ የፖሊሲ ሰነዶችን እና በአፍሪካ ህብረት የሰላም ፈንድ (AUPF) ስራ ላይ ኮሚሽኑ ያስመዘገበውን እድገት ያካትታል።

የባለሙያዎች ስብሰባ የአፍሪካ ህብረት አባል ሀገራት እና የቀጠናዉ የኢኮኖሚ ማህበረሰቦች/የክልላዊ የግጭት መከላከል፣ አስተዳደር እና አፈታት ዘዴዎች (RECS/RMs) ተወካዮችም ተገኝተዋል ሲል የውጭ ጉዳይ ሚኒስቴር ቃል አቀባይ ጽሀፈት ቤት አስታውቋል።
_____________________
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n

            

መልስ አስቀምጡ

Please enter your comment!
Please enter your name here