ኢትዮጵያ እና ሱዳን በመካከላቸው ያሉ ያልተፈቱ ቀዳሚ ጉዳዮቻቸውን በሰላማዊ መንገድ በውይይት ለመፍታት ቁርጠኛ መሆናቸው ገለፁ

0
1289

ማክሰኞ ሰኔ 28 ቀን 2014 (አዲስ ማለዳ) ኢትዮጵያ እና ሱዳን በመካከላቸው ያሉ ያልተፈቱ ቀዳሚ ጉዳዮቻቸውን በሰላማዊ መንገድ በውይይት ለመፍታት ቁርጠኝነታችንን ገልጸናል ሲሉ ጠቅላይ ሚኒስትር ዶ/ር ዐቢይ አህመድ አስታወቁ።

በ39ኛው የኢጋድ መሪዎች አስቸኳይ ጉባኤ ለመሳተፍ ኬንያ፤ ናይሮቢ የሚገኙት የኢትዮጵያ ጠ/ሚ ዶክተር ዐቢይ አህመድ ከጄኔራል አብዱል ፈታሕ አል-ቡርሃን ጋር ውይይት አድርገዋል።

ጠቅላይ ሚኒስትሩ ውይይቱን ተከትሎ በማህበራዊ ትስስር ገፃቸው ላይ ባሰፈሩት መልዕክት “ኹለቱ አገራት በሰላማዊ መንገድ ሊሠሩባቸው የሚችሉ በርካታ የትብብር መሠረቶች እንዳሏቸው አረጋግጠናል ” ብለዋል።

“ያለን ትሥሥር ከየትኛውም መከፋፈል የሚበልጥ ነው ” ያሉት ዶ/ር ዐቢይ ” ኹለታችንም ያልተፈቱ ቀዳሚ ጉዳዮችን በሰላማዊ መንገድ በውይይት ለመፍታት ቁርጠኝነታችንን ገልጸናል” ሲሉ አሳውቀዋል።

መልስ አስቀምጡ

Please enter your comment!
Please enter your name here