መነሻ ገጽዜናየእለት ዜናየኢትዮጵያ ፌደራል ፖሊስ የጦር መሣሪያ አስተዳደርና ቁጥጥር መመሪያን አፅድቆ ወደ ሥራ መግባቱን...

የኢትዮጵያ ፌደራል ፖሊስ የጦር መሣሪያ አስተዳደርና ቁጥጥር መመሪያን አፅድቆ ወደ ሥራ መግባቱን ገለጸ

ዕረቡ ነሐሴ 4 ቀን 2014 (አዲስ ማለዳ) የኢትዮጵያ ፌደራል ፖሊስ የጦር መሣሪያ አስተዳደርና ቁጥጥር አዋጅ ቁጥር 1177/2012 አንቀጽ 26 ንዑስ አንቀፅ 2 በሚደነግገው መሰረት አዋጁን ለማስፈፀም ይቻል ዘንድ፤ የጦር መሣሪያ አስተዳደር፣ አጠቃቀም እና ቁጥጥር መመሪያ ቁጥር 02/2014 አጽድቆ ወደ ሥራ መግባቱን ገልጿል።

መመሪያው የዳኝነት አካሉ የጦር መሣሪያ አስተዳደርና ቁጥጥር አዋጁ ላይ ተመስርቶ ውሳኔ ለመስጠት፣ ግልጽ እና ዝርዝር ጉዳዮችን ተመልክቶ በተቀራራቢና ተመሳሳይ የወንጀል ጉዳዮች መካከል ተቀራራቢነት ያለው ቅጣት እንዲወሰን ለማድረግ እንዲሁም እንደ ወንጀሉ ክብደትና አደገኛነት የቅጣት ተመጣጣኝነት ማረጋገጥን ግብ አድርጎ የወጣ ነው ተብሏል፡፡

በአዋጁ አንቀፅ 7 ንዑስ አንቀፅ 11 መሰረት የጦር መሳሪያ ፍቃድ የሚሰጥባቸው መስፈርቶችን በመመሪያው አንቀፅ 12፣ 15 እና 16 ላይ የተደነገገ ሲሆን፤ በአዋጁ አንቀፅ 12 ንዑስ አንቀፅ 3 መሠረት የጦር መሳሪያ ፍቃድ መስጫ መስፈርቶችን፣ ስለሚታደስበት ሥርዓትና የጊዜ ገደብ በተመለከተ በመመሪያው አንቀፅ 33 ሥር ሰፍረዋል፡፡

በአጠቃላይ በአዋጁ ላይ ግልጽ ያልሆኑ ጉዳዮችን በማያሻማ መልኩ እንዲቀመጡ መደረጉን ያስታወቀው ፌደራል ፖሊስ፤ ለአዋጁ ተፈፃሚነት መመሪያው ጉልህ ድርሻ እንደሚያበረክት ይጠበቃል ብሏል።

ስለሆነም የኢትዮጵያ ፌደራል ፖሊስ መመሪያው ከወጣበት ነሐሴ 04 ቀን 2014 ጀምሮ ህገ-ወጥ የጦር መሣሪያ ዝውውርን ለመግታት ከመቼውም ጊዜ በበለጠ በተጠናከረ መልኩ እንደሚሰራ አስታውቋል።

በአዋጁ አንቀፅ 22 ንዑስ አንቀፅ 3 መሰረትም ማንኛውም ሰው በህግ የተጣለውን ክልከላ እና ግዴታ በመተላለፍ የፀና ፍቃድ ሳይኖረው ብዛት ባለው የጦር መሣሪያ ወንጀል የፈፀመ እንደሆነ ቅጣቱ ከ8 ዓመት እስከ 20 ዓመት በሚደርስ ፅኑ እስራት እና ከመቶ ሺሕ እስከ ኹለት መቶ ሺሕ ብር በሚደርስ የገንዘብ መቀጮ እንደሚቀጣ አውቆ አስፈላጊውን ጥንቃቄ ማድረግ እንዳለበት የኢትዮጵያ ፌደራል ፖሊስ አሳስቧል፡፡

- ይከተሉን -Social Media
ተዛማጅ ጽሑፎች

መልስ አስቀምጡ

Please enter your comment!
Please enter your name here

- Advertisment -
Ads

የቅርብ ጊዜ ጽሑፎች