የሶማሊያው ፕሬዝዳንት በኢትዮጵያ የነበራቸውን ይፋዊ የሥራ ጉብኝት አጠናቀው ተመለሱ

0
562

አርብ መስከረም 20 ቀን 2015 (አዲስ ማለዳ) የሶማሊያው ፕሬዝዳንት በኢትዮጵያ የነበራቸውን የኹለት ቀናት ይፋዊ የሥራ ጉብኝት አጠናቀው ወደ አገራቸው ተመለሱ።

ፕሬዝዳንቱ በኢትዮጵያ የነበራቸውን የኹለት ቀናት ይፋዊ የሥራ ጉብኝት ማጠናቀቃቸውን ተከትሎ የጠቅላይ ሚኒስትር ጽሕፈት ቤት የኹለቱ አገራት መሪዎች የጋራ ሥምምነቶች ይፋ አድርጓል።

ፕሬዝዳንት ሀሰን ሼክ መሀመድ በኢትዮጵያ የመጀመሪያቸውን ይፋዊ ጉብኝት ያደረጉ ሲሆን፤ ኹለቱ መሪዎች ከከፍተኛ ልዑካን ቡድኖቻቸው ጋር በቆይታቸው በቀጣናዊ እና ኹለትዮሽ ጉዳዮች ላይ መምከራቸው ተገልጿል።

መሪዎቹ በትብብር ሊሰሩባቸው በሚችሉባቸው የጋራ ጉዳዮች ላይ ሥምምነት ማድረጋቸው እንዲሁም፤ የሽብርተኝነት እና የፅንፈኝነት ሥጋትን ለማጥፋት እና በኹለትዮሽ የኢኮኖሚ ትብብር ጉዳዮች ዙሪያ ተቀራርቦ ለመስራት መስማማታቸው የጠቅላይ ሚኒስትር ጽሕፈት ቤት አስታውቋል።

ፕሬዝዳንቱ በኢትዮጵያ የነበራቸውን ይፋዊ የሥራ ጉብኝት አጠናቀው በዛሬው ዕለት ወደ አገራቸው ሲመለሱም፤ ጠቅላይ ሚኒስትር ዐቢይ አሕመድ በቦሌ ዓለም አቀፍ አውሮፕላን ማረፊያ ተገኝተው ሽኝት አድርገውላቸዋል።

መልስ አስቀምጡ

Please enter your comment!
Please enter your name here