ዶ/ር አሸብር ስልጣኔን አልለቅም ቢሉም ደራርቱ ግን ኃላፊነቷን እንደምትለቅ ፍንጭ ሰጠች 

0
357

ቅዳሜ ነሐሴ 11 ቀን 2016 (አዲስ ማለዳ) የኢትዮጵያ አትሌቲክስ ፌዴሬሽን ፕሬዝዳንት ረ/ኮሚሽነር ደራርቱ ቱሉ በቀጣይ ከሀላፊነት ለመልቀቅ ማሰቧን በዛሬው ዕለት በብሔራዊ ቴሌቪዥን በነበረ ዝግጅት ላይ አሳውቃለች።

በፓሪሱ ኦሎምፒክ ውድድር “ ለጠፋው ውጤት የኢትዮጵያን ህዝብ በድጋሜ ይቅርታ እጠይቃለሁ “ ስትል ረ/ኮሚሽነር ደራርቱ ተናግራለች።

ከሀላፊነት ትልቀቅ የሚል አስተያየት እየተደመጠ ስለመሆኑ እና በዚህ ላይ ሀሳቧን የሰጠችው ደራርቱ የኢትዮጵያን አትሌቲክስ እና ህዝብ የሚጠቅም ከሆነ ህይወት ከመስጠት ጀምሮ ምንም ከማድረግ ወደኋላ አልልም።”ብላለች።

ሀላፊነትን በተመለከተ “ የአትሌቲክስ ፌዴሬሽን ምርጫችን በቀጣይ ጥቅምት ወይም ህዳር ወር ላይ ነው ፣ አዲስ ፊት ታያላችሁ ብዬ አስባለሁ ህዝብ ከጠየቀ በደስታ ነው የማደርገው።”በማለት ተናግራለች።

በአንጻሩ በባንዲራው ስም ከሀላፊነት እንዲለቁ የተጠየቁት ዶ/ር አሸብር “ ከሀላፊነት አልለቅም “ ሲሉ ምላሽ መስጠታቸው አይዘነጋም።

መልስ አስቀምጡ

Please enter your comment!
Please enter your name here