ሰኞ ህዳር 09 ቀን 2017 (አዲስ ማለዳ) ሀብታቸውን ውጭ ባንኮች ውስጥ የሚያስቀምጡ ባለሀብቶች ሃገርን ከሚያሳጡት የውጭ ምንዛሬ አንጻር የሚቀጡት ቅጣት በቂ አይደለም ተብሏል
ከፍራንኮ ቫሉታ መከልከል ጋር ተያይዞ ቀድሞውንም የነዚህ ባለሃብቶች የውጭ ምንዛሬ ምንጭ ህጋዊ አልነበረም ሲሉ ከአዲስ ማለዳ ጋር ቆይታ ያደረጉ የምጣኔ ሃብት ባለሙያዎች ገልጸዋል፡፡
ባለሃብቶቹ የውጭ ምንዛሬ ምንጮቻቸውም ከጥቁር ገበያ እና በውጭ ባንኮች ያከማቹት ሀብታቸው ሊሆን ስለሚችል በሃገር ውስጥ ባንክ ማስቀመጥን አይፈልጉም ሲሉ አክለዋል፡፡
በተለይም ከፍራንኮ ቫሉታ መተግበር ቀደም ብሎም የውጭ ባንኮች ውስጥ ሀገር በቀል ባለሐብቶች ሀብታቸውን እንደሚያስቀምጡ ተገልቷል።
ነገር ግን እነዚህ ባለሀብቶች ሃገር ከፍተኛ የሆነ የውጭ ምንዛሬ እንድታጣ ከማድረጋቸው ጋር ተያይዞ የሚተላለፍባቸው ቅጣት በቂ የሚባል አይደለም ያሉት የምጣኔ ሃብት ባለሙያዎቹ ይህም ሊስተካከል ይገባል ብለዋል፡፡



