በታዳጊ ማህሌት ተክላይ ላይ የግደያ ወንጀል የፈጸመ ተከሳሽ የሞት ፍርድ ተፈረደበት

0
153

ሰኞ ህዳር 23 ቀን 2017(አዲስ ማለዳ) በትግራይ ክልል የመቀሌ ከተማ መካከለኛ ፍርድ ቤት በታዳጊ ማህሌት ተክላይ ላይ የግድያ ወንጀል የፈጸሙ ተከሳሾች ላይ የፍርድ ዉሳኔ ሰጥቷል።

የ16 አመት ታዳጊዋ ማህሌት ተክላይ መጋቢት 10 ቀን2016 ዓ.ም ወደ ትምህርት ቤት እየሄደች በነበረችበት ወቅት ታግታ በመውሰድ ሰኔ 12 ቀን 2016 ዓ.ም ተገድላ መገኘቷ ይታወሳል።

አንደኛ ተከሳሽ አንገቷን አንቆ በመያዝ ሁለተኛ ተከሳሽ ደግሞ በባጃጅ አግቶ በመውሰድ ለ30 ደቂቃ ያክል በጫማ ማሰሪያ ገመድ አሰቃይተው አንደገደሏት የመቀለ ከተማ አቃቤ ህግ ገልጿል።

ዓቃቤ ህግ ያቀረበውን ማስረጃ የመረመረው ፈርድ ቤቱ ተከሳሾች የፈጸሙት የወንጀል ድርጊት ጭካኔ የተሞላበት መሆኑን በማረጋገጥ የፍርድ ዉሳኔ አስተላልፏል።

በዚህም ታዳጊዋ ላይ የግደያ ወንጀል የፈጸምዉ አንደኛ ተከሳሽ የሞት ፍርድ የተፈረደበት ሲሆን ሁለተኛ ተከሳሽ ደግሞ በእድሜ ልክ ፅኑ እስራት አንዲቀጣ ዉሳኔ ተሰጥቷል።

መልስ አስቀምጡ

Please enter your comment!
Please enter your name here