ገንዘብ ሚኒስቴር የመንግሥት የልማት ድርጅቶች ከአክሳሪነት እንዲወጡ እየሠራ አይደለም ተባለ

0
684

የድርጅቶቹ አጠቃላይ ገቢ ከአንድ ነጥብ አራት ቢሊዮን ብር በላይ ቅናሽ አሳይቷል

የሕዝብ ተወካዮች ምክር ቤት የገቢ፣ በጀት እና ፋይናንስ ጉዳዮች ቋሚ ኮሚቴ የገንዘብ ሚኒስቴር የመንግሥት የልማት ድርጅቶች ከአክሳሪነት እንዲወጡ አየሠራ አለመሆኑን አስታወቀ፡፡

የገንዘብ ሚኒስቴር የ2013 በጀት ዓመት የሦስት ወራት የእቅድ አፈፃፀም ሪፖርት ለሕዝብ ተወካዮች ምክር ቤት ለገቢ፣ በጀትና ፋይናንስ ጉዳዮች ቋሚ ኮሚቴ ባቀረበበት ወቅት እንደገለጸው ሚንስቴር መሥሪያ ቤቱ አብዛኛዎቹ የመንግሥት የልማት ድርጅቶች ወቅታዊ የሥራ አፈጻጸም የታሰበውን ያህል ያለመሆኑን ሰብሳቢዋ ወ/ሮ ያየሽ ተስፋሁነኝ ተናግረዋል፡፡

ኤጀንሲው በሥሩ ከሚገኙ 22 የመንግሥት የልማት ድርጅቶች ውስጥ እስካሁን 15ቱን የ2013 የመጀመርያ ሩብ ዓመት የሥራ አፈጻጸምን ሰሞኑን ያሳወቀ ሲሆን፣ ከእነዚህ ውስጥ አብዛኛዎቹ በሩብ ዓመቱ እንደርስበታለን ብለው ያቀዱትን ያህል ገቢ ማግኘት አልመቻላቸው በሪፖርቱ ተመላክቷል፡፡

የልማት ድርጅቶቹ ለሩብ ዓመቱ ያስገኛሉ የተባለውን ያህል ገቢና ትርፍ ካለማስመዝገባቸውም በላይ ካለፈው ዓመት ተመሳሳይ ወቅት አንፃር ሲመዘኑም አፈጻጸማቸው አነስተኛ እነደሆነ እና ከገቢ የድርጅቶቹ አጠቃላይ ገቢ ከአንድ ነጥብ አራት ቢሊዮን ብር በላይ መቀነሱን ተናግረዋል፡፡

ካሉት 22 የመንግሥት የልማት ድርጅቶች መካከል በአምራች ዘርፍ የተሰማሩት ብርሃንና ሰላም ማተሚያ ድርጅት፣ ብሔራዊ አልኮልና አረቄ ፋብሪካ የኬሚካል ኢንዱስትሪ ኮርፖሬሽን፣ ኢትዮ ኢንጂነሪንግ ግሩፕና የኢትዮጵያ ፕልፕና ወረቀት አክሲዮን ማኅበር በመጀመርያ ሩብ ዓመት በጊዜያዊ የሒሳብ መረጃ መሠረት ብር ኹለት ነጥብ አምስት ቢሊዮን አጠቃላይ ገቢ ለማግኘት አቅደው 747.85 ሚሊዮን ብር ማግኘታቸውን እና ይህም በሩብ ዓመቱ ከዕቅዳቸው ከአንድ ነጥብ ሰባት ቢሊዮን ብር በላይ ያነሰ መሆኑን የሚያመለክት ነው፡፡

ኢትዮ ኢንጂነሪንግ ግሩፕ፣ የቀድሞ የብረታ ብረትና ኢንጂነሪንግ ኮርፖሬሽን ደግሞ በሩብ ዓመቱ ከምርት ሽያጭ፣ ከድኅረ ሽያጭ አገልግሎት፣ ከተሰብሳቢና ከማያገለግሉ ንብረቶች ሽያጭ አንድ ነጥብ ሦስት አንድ ቢሊዮን ብር አጠቃላይ ገቢ ለማግኘት አቅዶ 395 ሚሊዮን ብር ብቻ መፈጸም ችሏል፡፡

ነገር ግን በማኑፋክቸሪንግ ዘርፍ ሥር ካሉት አምስት ድርጅቶች ከዕቅዱ በላይ ገቢ ያስገኘው የብሔራዊ አልኮልና አረቄ ፋብሪካ ብቻ ሲሆን፣ በኤጀንሲው መረጃ መሠረት ፋብሪካው 149.67 ሚሊዮን ብር ገቢ ለማግኘት አቅዶ 194.97 ሚሊዮን ብር ማግኘት የቻለ መሆኑ ታውቀወል፡ይህም ድርጅቱን በ2011 የመጀመርያው ሩብ ዓመትም ሆነ በሙሉ በጀት ዓመቱ ከሁሉም ብልጫ ያለው አፈጻጸም ማሳየቱ ተጠቅሰዋል፡፡

ብርሃንና ሰላም ማተሚያ ድርጅት ብር 95 ሚሊዮን በማቀድ ብር 93 ሚሊዮን ብር ማግኘቱ ሲታወቅ፣ የኢትዮጵያ ፕልፕና ወረቀት አክሲዮን ማኅበር 64 ነጥብ 4 ሚሊዮን ብር አቅዶ አፈጻጸሙ 31 ነጥብ 48 ሚሊዮን ብር ሆኗል፡፡

ኬሚካል ኢንዱስትሪዎች ኮርፖሬሽን ደግሞ ያገኘው ገቢ 428 ሚሊዮን ብር ሆኗል፡፡
ከእነዚህ ድርጅቶች መካከል ብሔራዊ አልኮልና አረቄ ፋብሪካና ብርሃንና ሰላም ማተሚያ ድርጅት የተሻለ ትርፍ ከታክስ በፊት አፈጻጸም ያስመዘገቡ መሆኑን የሚጠቅሰው የኤጀንሲው መረጃ፣ የኢትዮጵያ ፕልፕና ወረቀት አክሲዮን ማኅበር፣ የኬሚካል ኢንዱስትሪ ኮርፖሬሽንና ኢትዮ ኢንጂነሪንግ ግሩፕ ዝቅተኛ አፈጻጸም እንዳስመዘገቡ ተገልጿል፡፡

በ2011 በጀት ዓመት ግን ኢትዮ ኢንጂነሪንግ ግሩፕ ከኪሳራ ወጥቶ አትራፊ መሆኑ መገለጹ ይታወሳል፡፡
በ2012 የመጀመርያ ሩብ ዓመት እነዚህ አምስት ድርጅቶች አግኝተውት የነበረው ገቢ ኹለት ነጥብ ኹለት ሰባት ቢሊዮን ብር እንደነበር የሚታወስ ነው፡፡
በሩብ ዓመቱ ከ20 የመንግሥት ልማት ድርጅቶች (አየር መንገድ ሳይካተት) ከምርት እና አገልግሎት ገቢ 51 ነጥብ ሦስት ቢሊየን ብር ለመሰንሰብ ታቅዶ 43 ነጥብ ሥምንት ቢሊየን መሰብሰቡን ሪፖርቱ አመላክቷል፡፡

ቅጽ 2 ቁጥር 110 ታህሳስ 3 2013

መልስ አስቀምጡ

Please enter your comment!
Please enter your name here