በእነ እስክንድር ነጋ መዝገብ ምስክር እንዳይደመጥ በጠቅላይ ፍርድ ቤት ሰበር ሰሚ ችሎት እግድ ተጣለ

0
1528

በባልደራስ ለእውነተኛ ዲሞክራሲ ፓርቲ አመራሮች መዝገብ ላይ ምስክር እንዳይደመጥ በጠቅላይ ፍርድ ቤት ሰበር ሰሚ ችሎት እግድ ተጣለ።

የፌደራል ከፍተኛ ፍርድ ቤት አንደኛ የፀረ ሽብረ እና የሕገ መንግሥት ጉዳዮች ወንጀል ችሎት በእነ እስክንድር ነጋ መዝገብ ላይ የዐቃቤ ሕግ ምስክሮች እንዲያቀርብ ማዘዙ ይታወሳል።

ቢሆንም ግን በዛሬው እለት ከጠቅላይ ፍርድ ቤት ሰበር ሰሚ ችሎት በቀረበው የእግድ ትዕዛዝ መሠረት፣ የዐቃቤ ሕግ ይግባኝ ተቀባይነት በማስገኘቱ ሰበር ሰሚው ችሎት ጉዳዩ ያስቀርባል ተብሎ ስለታመነበት ለሐምሌ 26፣ በሬጅስትራር በኩል ተከሳሾች የመልስ መልስ እንዲያስገቡ እና እስከዛው ድረስ በከፍተኛ ፍርድ ቤት ያለው ሒደት ለግዜው እንዲታገድ ትዕዛዝ ሰጥቷል።

ተከላካይ ጠበቆች በቀረበው ትዕዛዝ ላይ የትዕዛዙ ላይ ክብ መሐተብ ባለመኖሩ ትዕዛዙ ተቀባይነት ሊኖረው እንደማይገባ  እና ችሎቱ ዐቃቤ ሕግ ምስክር ማቅረብ እንዳልፈለገ ተቆጥሮ መዝገቡ ተቋርጦ ተከሳሾች በውጪ እንዲቆዩ ጠይቋል።

ነገር ግን ችሎቱ ትዕዛዙን የሚቀበለው እንኳን ቢሆን ተከሳሾች እስከዛው ቀን ድረስ በምን ሁኔታ ይቆዩ የሚለው ላይ ሰበር ሰሚው ምንም ትዕዛዝ ስላልሰጠበት ይህ ችሎት መሠረታዊ መብታቸውን ሊጠብቅላቸው ይገባል ሲሉ ተከራክረዋል።

ዐቃቤ ሕግ በበኩሉ ማሕተም በሚመለከት በተቀሩን የቀጠሮ ቀናቶች ድረስ አስተካክለን እናቀርባል በማለት የቀጠሮውን ቀን በሚመለከት ግን በቀረበው ትዕዛዝ መሠረት ቀጠሮ ይሰጠን ሲሉ ችሎቱን ጠይቀዋል።

ፍርድ ቤቱ የትዕዛዙን ተዓማኒነት ለማረጋገጥ ዐቃቤ ሕግ እስከ ዛሬ ዘጠኝ ሰዓት ድረስ ክብ ማሕተም አስደርጎ እንዲያቀርብ፣ የተከሳሾችን ሁኔታ እና የቀጠሮ ቀን በሚመለከት ዐቃቤ ህግ ካመጣው መልስ በኋላ በደብዳቤ ለማረሚያ ቤቱ የምናሳውቅ ይሆናል ማለቱ ታውቋል።

ዐቃቤ ሕግ ያቀረበው የእግድ ደብዳቤ ከመረጃው ጋር አብሮ ቀርቧል።

መልስ አስቀምጡ

Please enter your comment!
Please enter your name here