በቀዳማዊት እመቤት ዝናሽ ታያቸው ጽሕፈት ቤት አማካኝነት በጎንደር የተገነባው የሎዛ ብርሃን 2ኛ ደረጃ ትምህርት ቤት ዛሬ ጥቅምት 6/2012 ተመርቀ።
በ20 ሚሊዮን ብር ወጭ የተገነባው ትምህርት ቤቱን ቀዳማዊት እመቤት ዝናሽ ታያቸው በይፋ በከፈቱበት ወቅት፤ የአማራ ክልል ከፍተኛ የሥራ ኃላፊዎች፣ የፌዴራል የትምህርት ዘርፍ አመራሮች እና ሌሎች እንግዶችም በምረቃው ሥነ ስርዓት ላይ ተገኝተዋል።
ትምህርት ቤቱ 28 የመማሪያ እና አራት የቤተ ሙከራ ክፍሎች፣ ቤተ መጻሕፍት እና የአስተዳደር ሕንጻ የተሟላለት ነው።
በቀዳማዊት እመቤት ጽሕፈት ቤት በአገሪቱ ከሚገነቡ 20 ኹለተኛ ደረጃ ትምህርት ቤቶች መካከል አራቱ በአማራ ክልል በጎንደር፣ ደባርቅ፣ ዋግ ኽምራ እና ደቡብ ወሎ ዞን እንደሚገነቡ ኢትዮጵያ ብሮድካስቲንግ ኮርፖሬሽን ዘግቧል።



