አዋሽ ኢንሹራንስ 160 ሚሊዮን ብር የተጣራ ትርፍ አገኘ

0
1164

ከተመሠረት 25 ዓመታት የሆነው አዋሽ ኢንሹራንስ 160 ሚሊዮን ብር የተጣራ ትርፍ ባለፈው በጀት ዓመት ማትረፉን አስታወቀ። ትርፉ በኢትዮጵያ ከሚገኙ ሁሉም ኢንሹራንስ ተቋማት ትልቅ ሲሆን፣ በ32 ነጥብ 1 ሚሊዮን ብር የላቀ ነው።

ኢንሹራንስ ኩባንያው ባለፈው በጀት ዓመት ከ797 ሚሊዮን ብር በላይ አረቦን የሰበሰበ ሲሆን፣ ቁጥሩም ከ123 ሚሊዮን ብር ይበልጣል። ከዚህ ውስጥ 75 በመቶ የሚሆነው ከአጠቃላይ ኢንሹራንስ ፖሊሲ የተገኘ ሲሆን፣ ቀሪው ከሕይወት መድን ፖሊሲዎች የተሰበሰበ መሆኑን የኩባንያው ሪፖርት ያመላክታል።

ድርጅቱ ከሰበሰበው አረቦን ውስጥ የሞተር ኢንሹራንስ ፖሊሲ 62 በመቶ ሲሆን የእሳት አደጋ ኢንሹራንስ በ10 በመቶ ይከተላል። የአዋሽ የተከፈለ ካፒታል 425 ሚሊዮን ብር የደረሰ ሲሆን፣ ይህም ከባለፈው በጀት ዓመት በ148 ሚሊየን ብር የላቀ ነው።

የአዋሽ አጠቃላይ ሃብት 2 ነጥብ 5 ቢሊዮን ብር የደረሰ ሲሆን፣ ባለፈው በጀት ዓመት ለባለ አክሲዮኖች የሚከፍለው ድርሻ ክፍፍል 38 በመቶ ደርሶ ነበር። በኢትዮጵያ 16 የኢንሹራንስ ኩባንያዎች ሲኖሩ፣ የኢትዮጵያ መድን ድርጀት ከ38 በመቶ በላይ የገበያ ድርሻ አለው።

ቅጽ 2 ቁጥር 60 ታኅሣሥ 18 2012

መልስ አስቀምጡ

Please enter your comment!
Please enter your name here