ባለፉት ስድስት ወራት በሕገወጥ መንገድ አደገኛ እጽን ሲያዘዋውሩ ከተገኙ 56 የተለያዩ አገራት ዜጎች 19ኙ ናይጀሪያዊያን መሆናቸውን የፌደራል ፖሊስ አስታወቀ።
በአደገኛ እጽ ዝውውር ባለፉት ስድስት ወራት የ15 አገራት ዜግነት ያላቸው 56 አዘዋዋሪዎችን በቁጥጥር ስር ያዋለው ኮሚሽኑ 19 ናይጄሪያውያን ሲሆኑ ዐሥሩ ኢትዮጵያውያን መሆናቸውን አሳውቋል።
እንደኮሚሽኑ መግለጫ ከአዘዋዋሪዎቹ 95 ኪሎ ግራም ካናቢስ እና 141 ኪሎ ግራም በላይ ኮኬን ተይዟል።
በተያያዘ ዜና በአዲስ አበባ አንድ ሺሕ ካሬ ሜትር፣ በሻሸመኔ ደግሞ ሰባት ሄክታር መሬት ላይ የበቀለና ካናቢስ የተሰኘ አደገኛ ዕፅዋት በፖሊስ ተነቅሏል። ዕፁን አብቅለዋል የተባሉትም በሕግ ፊት እንዲቀርቡ ተደርጓል ብሏል።
በዓለም ዐቀፍ ደረጃ የአደገኛ እጽ ዝውውር እየጨመረ መሆኑን ያስታወሰው ኮሚሽኑ፤ ከደቡብ አሜሪካ ወደ አውሮፓ ከሚተላለፈው ሁለት ሦስተኛ የሚሆነው በአፍሪካ በኩል ስለመሆኑ አመልክቷል። በዚህም ብዙ ሕገ ወጥ አዘዋዋሪዎች ኢትዮጵያን እንደመሸጋገሪያ ሲጠቀሙም በፌደራል ፖሊስ ቁጥጥር ስር እየዋሉ ነው ተብሏል።
ቅጽ 1 ቁጥር 8 ታኅሣሥ 27 ቀን 2011



