ለቴሌኮም ማጭበርበር ወንጀል የሚውል የቴሌኮም መሳርያ ወደ አገር ያስገባው የውጭ አገር ዜጋ የ9 ዓመት ፅኑ እስራትና የ50 ሺህ ብር የገንዘብ ቅጣት ተወሰነበት

0
1403

ሐሙስ መጋቢት 1 ቀን 2014 (አዲስ ማለዳ) ለቴሌኮም ማጭበርበር ወንጀል የሚውል የቴሌኮም መሳርያ ወደ ኢትዮጵያ ያስገባው የውጭ አገር ዜጋ የ9 ዓመት ፅኑ እስራትና የ50 ሺህ ብር የገንዘብ ቅጣት እንዲቀጣ ተወስኖበታል።

“ሚ/ር ሊ ናይዮንግ” የተበላው ተከሳሽ የቴሌኮም ማጭበርበር ወንጀሎችን ለመደንገግ የወጣውን አዋጅ ቁጥር 761/2004 አንቀፅ 3 (1) ሥር የተደነገገውን በመተላለፍ፤ በቦሌ አለም አቀፍ አየር ማረፊያ ውስጥ ከቻይና አገር ወደ ኢትዮጵያ በሚገባበት ጊዜ ከኢኖቬሽንና ቴክኖሎጂ ሚኒስቴር ፍቃድ ውጭ የሞዴል ቁጥሩ TD-LTE‚SERIAL NUMBER 2153034036DWG2000‚BRAND INSTAR ሆኖ፤ ኹለት ባለ 8 ሲም አንድ ላይ 16 ሲም ካርድ የሚወስድ “ጌት ዋይ“ የተባለ ለቴሌኮም ማጭበርበር ወንጀል የሚውል መሳርያ ከእነ አክሰሰሪው በቦሌ አየር መንገድ በኩል ያስመጣ በመሆኑ፤ በፈፀመው ከሚኒስትር መስርያ ቤቱ ፍቃድ ውጭ የቴሌኮም መሳርያዎችን ከውጭ አገር በማስገባት ወንጀል በዐቃቤ ህግ ክስ ተመሰርቶበታል።

በፌደራሉ ከፍተኛ ፍርድ ቤት ልደታ ምድብ ወንጀል ችሎት የቀረበው ተከሳሽም በአስተርጓሚ ታግዞ ክሱ ደርሶትና ተነቦለት የእምነት ክህደት ቃሉን አንዲሰጥ ሲጠየቅ “ድርጊቱን በፍፁም አልፈፀኩም” ሲል የፈፀመውን ወንጀል ክዶ ተከራክሯል።

ዐቃቤ ህግም ዝርዝር የሰው፣ የሰነድና የኢግዚቪት ማስረጃዎችን አቅርቦ በማሰማቱና በማስረዳቱ ተከሳሽም መከላከያ አቅርቦ እንዲከላል በተሰጠው ብይን መሰረት መከላከል ባለመቻሉ ፍርድ ቤቱ ተከሳሽን ጥፋተኛ ነህ ሲል የጥፋተኝነት ፍርድ ሰጥቷል።

በዚህ መሰረት ፍርድ ቤቱ የካቲት 30 ቀን 2014 ባስቻለው ችሎት ተከሳሽ ከዚህ በፊት የጥፋተኝነት ሪከርድ የሌለበት በመሆኑ፤ አንድ የቅጣት ማቅለያ በመያዝ ተከሳሽን ያርማል መሰል አጥፊዎችን ያስተምራል ሲል በ9 ዓመት ፅኑ እስራትና በ50 ሺህ ብር የገንዘብ ቅጣት እንዲቀጣ ወስኖበታል።

ፍርድ ቤቱ በኢግዚቪትነት የተያዘው የቴሌኮም መሳርያ ለመንግስት ገቢ እንዲሆን ትዕዛዝ መስጠቱንም ከፍትህ ሚኒስቴር ያገኘነው መረጃ ያመላክታል።
_________________
ትክክለኛውን የአዲስ ማለዳ ሶሻል ሚዲያ በመቀላቀል ቤተሰብ ይሁኑ
Telegram ➲ t.ly/SOXU
Facebook ➲ t.ly/flx8
YouTube ➲ t.ly/vSgS
Twitter ➲ t.ly/mxA4n

መልስ አስቀምጡ

Please enter your comment!
Please enter your name here