የኢትዮጵያ ሰብአዊ መብቶች ኮሚሽን በተለያዩ የኢትዮጵያ ክፍል ጉዳት እየደረሰባቸው ያሉ ዜጎችን የሰብዓዊ መብቶችን መርሆች የሚያሟላ ፣ ኹሉን ዐቀፍ እና ተጎጂዎቸን ማዕከል ያደረገ የሽግግር ፍትሕ ሥርዓት እንዲቋቋም የሚል ሐሳብ አቀረበ፡፡
በተለያዩ አካላት ከቀረቡለት የተለያዩ ምክረ ሐሳቦች መካከል የሽግግር የፍትሕ ሥርዓት እንዲቋቋም በሚለውና በሌሎች ሐሳቦች ላይ መጋቢት 15 እና 16 ተቋሙ ከሚመለከታቸው አካላት ጋር ውይይት አድርጎ ነበር፡፡
የኢትዮጵያ ሰብአዊ መብቶች ኮሚሽን ከተባበሩት መንግሥታት ድርጅት የሰብዓዊ መብቶች ከፍተኛ ኮሚሽን የምሥራቅ አፍሪካ ቢሮ ጋር በጋራ በመተባበር፣ በኢትዮጵያ የሽግግር ፍትሕ ላይ ያተኮረ ምክክር ጉዳዩ ከሚመለከታቸው ከመንግሥት መሥሪያ ቤቶች፣ ከሲቪክ ማኅበራትና ሌሎች ባለሙያዎች ጋር ማድረጉ ተገልጿል።
የኢትዮጵያ ሰብአዊ መብቶች ኮሚሽን ይፋ ባደረገው የጣምራ ሪፖርት፣ በተለያዩ አካላት የተዘጋጁ 59 ምክረ ሐሳቦችን ያካተተ እና ለግጭቱ ተሳታፊ የሆኑ ወገኖች፣ ለዓለም ዐቀፉ ማኅበረሰብ፣ እንዲሁም ለሌሎች ለሚመለከታቸው ባለ ድርሻ አካላት ማቅረቡን ጠቁሟል።
በሰብዓዊ መብት ሌሎች አገራት በሽግግር ፍትሕ ላይ ያላቸውን ተሞክሮ የሚጋሩ ሲሆን፣ በኢትዮጵያም በተለያዩ አካባቢ ጉዳት እየደረሰባቸው ያሉ ሰዎችን ፍላጎት እና ጥያቄ እንዲሁም ተጎጂዎችን ማዕከል ያደረገ የሽግግር ሥርዓት እንዲደረግ መጠየቁን ኮሚሽኑ ገልጿል።
ኮሚሽኑ በተጨማሪ በራሳቸውና በቤተሰቦቻቸው አባላት ለደረሰባቸው ጉዳት እውነቱን ማወቅ እንደሚፈልጉ እና በግጭቱ የተሳተፉ ኹሉም ወገኖች ተጎጅዎች ላይ የደረሰውን የመብቶች ጥሰት ዕውቅና ሠጥተው ኃላፊነት እንዲወጡ እንደሚፈልጉ ለምርመራ ቡድኑ ገልጿል ብሏል።
ቅጽ 4 ቁጥር 177 መጋቢት 17 2014


