በአዲስ አበባ የመሬት ሥም ዝውውርና የኮንዶሚኒየም ሽያጭ ሥም ዝውውር የታገዱ ሰፈሮችን የአዲስ አበባ ከተማ የመሬት ይዞታ ምዝገባና መረጃ ኤጀንሲ ይፉ አድርጓል።
የኤጀንሲው የኮምዩኒኬሽን ዳይሬክተር መሰለች ጣላ፣ ኤጀንሲው የሚሠራው ሥራ ስላለ እስከ ጳጉሜ 5 ድረስ በተለዩ ሰፈሮች የሚገኙ ይዞታዎች የኮንዶሚኒየም መኖሪያ ቤቶችንና ሌሎችንም ጨምሮ የሥም ዝውውርና ሌላውም መታገዱን ተናግረዋል።
በዚህም መሠረት የመሬት መረጃ ይዞታ መዝግቦ ለማረጋገጥ በሚሠራው ሥራ የተለዩ ሰፈሮች የሥም ዝውውር ሽያጭ እና ሌላውም እስከ ጳጉሜ 5 ድረስ መታገዱን ገልፀዋል።
በዚህም መሰረት፤ ከእነዚህ ሰፈሮች ውስጥ በአራዳ ክፍለ ከተማ ሐግቤስ አካባቢ፣ ጅንአድ ራስ እምሩና አግአዚ ሰፈር፣ የካ ክፍለ ከተማ ኪዳነ ምህረት ሰፈር ዞን 03፣ ሲግናል ሲግናል አፓርትመንት እና ቡና ቦርድ፣ ኮልፌ ክፍለ ከተማ አርሴማ ሰፈር፣ አየር ጤና ለማ ነገዎ ሰፈር፣ እፎይታ አየር ጤና መሰናዶ አካባቢ፣ ሞቢልና መሳለሚያ እንዲሁም ሌሎችም እግዱ ይመለከታቸዋል ተብሏል።
በቦሌ ክፍለ ከተማ ጅማ ህንፃ፣ 24 ቀበሌ ውሃ ልማት ወይም ቅርቦትና ሌሎችንም ሰፈሮች እግዱ እንደሚያገኛቸው ተገልጿል። በአቃቂ ቃሊቲ ክፍለ ከተማ ቀጠና 2 ላይ ሰፈረ ሰላም ጭማድ፣ ሠላሌ ሰልጤ ማርያም፣ መኮድ ጃቴ ኪዳነ ምህረትና ሌሎችም እንደሚገኙበት ታውቋል።
በልደታ ክፍለ ከተማ ማዕድን ሚኒስቴር ድል ገበያ ሰባራ ድልድይ አካባቢም እገዳው እንደሚመለከታቸው ኤጀንሲው ተናግሯል።
እንዲሁም፣ በአዲስ ከተማ ክፍለ ከተማ ቃጤ ሰፈር ድላችን ኮንዶሚኒየም ይመለከተዋል የተባለ ሲሆን፤ በንፋስ ስልክ ላፍቶ ክፍለ ከተማ ላፍቶ ኢንዱስትሪ ሰፈር፣ ላፍቶ መድኃኒያለም አካባቢ፣ 54 ማዞሪያ አካባቢ፣ ላፍቶ 1 ኮንዶሚኒየም በሙሉ የመሬት ሽያጭና ሥም ማዛወር እስከ ጳጉሜ አምስት ድረስ ለአምስት ወር እንደሚቆይ መገለፁን ሸገር ሬዲዮ ዘግቧል።
ቅጽ 4 ቁጥር 180 ሚያዝያ 8 2014


