ባሳለፍነው ሳምንት አንድ ግለሰብ ዘጠኝ ኪሎ ወርቅ በህገወጥ መንገድ በሶማሌ ክልል በኩል ከአገር ለማስወጣት ሲሞክር በብሔራዊ መረጃ እና ደህንነት አገልግሎት በተደረገ ረጅም ክትትል በቦምባስ ከተማ በቁጥጥር ስር ዋለ፡፡
ግለሰቡ ከአገር ይዞ ሊወጣ ሲል ከተያዘው ወርቅ በተጨማሪ ሌሎች የተለያዩ የውጭ ሀገር ገንዘቦችም ይዞ ነበር ሲሉ የጉምሩክ ኮሚሽን ኮሚሽነር ደበሌ ቃበታ ተናግረዋል፡፡ በተጨማሪም አርባ አንድ ሺህ ዶላር እና 55ሺህ የሳውዲ ሪያል በተቀያሪ ጫማዎቹ ውስጥ ይዞ ነበር ሲሉ ኮሚሽነሩ አስታውቀዋል፡፡
ከአምስት አመት በፊት ከወርቅ የወጪ ንግድ ከአራት መቶ ሚሊዮን ዶላር በላይ ገቢ የተገኘ ሲሆን፣ ባለፈው አመት ከዘርፉ የተገኘው ገቢ ግን ወደ 30 ሚሊየን ዶላር ማሽቆልቆሉን የማአድን እና ኢነርጂ ሚኒስቴር መግለፁ ይታወሳል፡፡ በሁሉም የወርቅ አምራች ክልሎች የኮንትሮባንድና ሕገ ወጥ ንግድ መስፋፋት ለዘርፉ መዳከም ከፍተኛ አስተዋቅኦ አድርገዋል ተብሏል፡፡
ቅጽ 1 ቁጥር 42 ነሐሴ 18 2011



