መነሻ ገጽዜናወፍ በረር ዜናባለፉት 11 ወራት ከወርቅ ምርት 513 ነጥብ 9 ሚሊየን ዶላር ገቢ ተገኘ

ባለፉት 11 ወራት ከወርቅ ምርት 513 ነጥብ 9 ሚሊየን ዶላር ገቢ ተገኘ

ባለፉት 11 ወራት ኢትዮጵያ ከወርቅ ምርት 513 ነጥብ 9 ሚሊየን የአሜሪካ ዶላር ገቢ ማግኘቷን የማዕድን ሚኒስቴር ገለጸ። በዚህ ዓመት የወጪ ንግድ ማዕድናትን በሥፋት፣ በጥራት እንዲሁም በዓይነት በማምረት የተገኘው ገቢ ቡና በመላክ ከተገኘው የውጭ ምንዛሬ ገቢ ቀጥሎ በኹለተኛ ደረጃ የተቀመጠ ዘርፍ መሆኑ ተገልጿል።

ሚኒስቴር መሥሪያ ቤቱ የተለያዩ የኢንቨስትመንት ፍቃዶችን ወስደው በገቡት ውል መሠረት ሥራቸውን ያላከናወኑ 972 በማዕድን ምርመራ፣ ምርት እና ኤክስፖርት ዘርፍ ላይ የተሰማሩ ባለሐብቶች ህዝብን በሚጎዳ ተግባር ላይ ተሠማርተው በመገኘታቸው ፍቃዳቸው እንዲቋረጥ መደረጉን ገልጿል።

እንዲሁም ሚኒስቴር መስሪያ ቤቱ ኢትዮጵያ እና ዜጎቿ ከማዕድንና ተፈጥሮ ሐብቶች የሚገባቸውን ያህል እንዲጠቀሙ የተለያዩ የሪፎርም ሥራዎችን በማከናወን ላይ እንደሚገኝም ነው የጠቆመው።

የማዕድን ዘርፉ የተለያዩ አገራዊ አካባቢያዊ ፈታኝ ሁኔታዎችን ተቋቁሞ በላቀ ትጋት እየተንቀሳቀሰ መሆኑም ተመላክቷል። ከፍተኛ የውጭ ምንዛሬ የሚጠይቁ የማዕድን ኢንዱስትሪ ግብዓቶችን በአገር ውስጥ ለመተካት የተከናወኑ ሥራዎች ተስፋ ሰጪ ውጤቶችን እያስመዘገቡ እንደሆነም ነው ማዕድን ሚኒስቴር የገለጸው።


ቅጽ 4 ቁጥር 190 ሰኔ 18 2014

- ይከተሉን -Social Media
ተዛማጅ ጽሑፎች

መልስ አስቀምጡ

Please enter your comment!
Please enter your name here

- Advertisment -
Ads
- Advertisment -
Ads

የቅርብ ጊዜ ጽሑፎች