በምዕራብ ጉጂ ዞን ቡሌ ሆራ ከተማ 60 የጥይት ካዝና በጎመን ውስጥ ጠቅልሎ በህገወጥ መንገድ ሊያሳልፍ የማከረው ግለሰብ በቁጥጥር ሥር ዋለ

0
1783

ዕረቡ ነሐሴ 11 ቀን 2014 (አዲስ ማለዳ) በኦሮሚያ ክልል፣ ምዕራብ ጉጂ ዞን ቡሌ ሆራ ከተማ መናኸሪያ ላይ 60 የጥይት ካዝና በጎመን ጠቅልሎ በህገወጥ መንገድ ለማሳለፍ የማከረው ግለሰብ በህብረተሰብ ጥቆማ በቁጥጥር ሥር ማዋሉን የቡሌ ሆራ ፖሊስ አስታወቀ።

በትላንትናው ዕለት ከጠዋቱ 5 ሰዓት አካባቢ ከሲዳማ ክልል፤ ጩኮ አከባቢ የተነሳው ግለሰቡ መዳረሻውን ያቤሎ በማድረግ፤ በእስር ጎመን ውስጥ 60 የጥይት ካርታ በመደበቅ ለጥፋት አካላት ሊደርስ ሲል በቁጥጥር ሥር መዋሉን ፖሊስ ገልጿል።

ፖሊስ ግለሰቡ በቁጥጥር ሥር ውሎ ጉዳዩ እያጣራ እንደሚገኝ የገለጸ ሲሆን፤ ህቡረተሰቡ መሰል ድርጊቶችን የሚፈጽሙ የጥፋት ሀይሎችን ለጸጥታ አካለት አሳልፎ በመስጠት የሚያደርገውን ትብብር አጠናክሮ እንዲቀጥል ማሳሰቡን ከቡሌ ሆራ ኮሚኒኬሽን ያገኘነው መረጃ አመላክቷል።

መልስ አስቀምጡ

Please enter your comment!
Please enter your name here