Waxaa la sheegay in dawlada dhexe aysan ka taageerin dib u dhiska dugsiyada deegaanka Tigray

0
332

 Xafiiska waxbarashada ee deegaanka ayaa wargeyska Addis Maleda u sheegay in aan wax taageero ah laga siinin dugsiyada la burburiyay ee deegaanka Tigreega, ha ahaato dowladda federaalka iyo wasaaradda waxbarashada.

 Madaxa xafiiska waxbarashada ee deegaanka Dr. Kiros Guush ayaa sheegay in khasaarihii waxbarashada ee ka soo gaaray dagaalladii mudada labada sano ka badan ka socday deegaanka uu aad u badan yahay; Waxaa la isku raacay in heerka burburku uu marayo heerka 100%.

 Si kastaba ha ahaatee, waxa uu xusay inaysan jirin wax taageero ah oo ay Dowladda Federalka ka heleen, marka laga reebo Hay’adaha qaarkood, in si uun loo dayactiro Dugsiyadii burburay, Ardaydana dib loogu celiyo Dugsiyadooda.

 Madaxa ayaa intaa ku daray in ay aad u adagtahay in la sifeeyo khasaaraha soo gaaray goobaha waxbarashada. Waxa uu sheegay in aan la isku haleyn karin in dib u habeyn lagu sameeyo Iskuulladaasi iyadoo la eegayo halka uu hadda dalka marayo, haddii aysan Hay’adaha Caalamiga ah faraha kula jirin.

 Waxa uu sheegay in waxbarashada ay ka bilaabatay dugsiyada qaar. Waxa uu xusay in boqolkiiba 24 ka mid ah ardayda ku soo laabteen dugsiga marka loo eego tirada loo baahan yahay.

 Wuxuu ku macneeyay in ay sabab u tahay in ardaydu ay wax ku bartaan agab waxbarasho oo aan dhameystirneyn oo ka wanaagsan waxa ay ku isticmaalaan guriga.

 Sida uu sheegay sarkaalku, goobihii waxbarashada ayaa lagu burburiyay dagaalka, ma ahan in lagu garaacay hub. Waxaana la garaacay iyadoo la isku adeegsaday hubka noocyadiisa kala duwan oo ay ku jiraan diyaaradaha aan duuliyaha lahayn ee loo yaqaan Drones-ka, si ay si ula kac ah u burburiyaan iskuulada.

 Sidoo kale, sarkaalku wuxuu sheegay in iskuullada hoos yimaada degmooyinka kala duwan ee deegaanka ay weli gacanta ku hayaan kooxaha hubeysan ee Eritereeya iyo Ciidamada deegaankabAmxaarada. “Boqolaal kun oo arday ah ayaa weli ka maqan iskuullada goobahaas.”

 Waxa uu intaa ku daray in dagaalka ka hor in ka badan laba milyan oo arday ay wax ku baranayeen deegaanka. Waxa uu ku micneeyay in tirada ardayda wax baraneysa xilligan aysan ka badneyn 500,000 oo arday.

 Sidoo kale waxaa la tilmaamay in dhibaatada nafsiga ah ee ardayda, macalimiinta iyo waalidiinta ardayda ka soo gaartay dagaalka ay aad u badan tahay.

መልስ አስቀምጡ

Please enter your comment!
Please enter your name here