Ururka Dhoofinta Qaxwaha Itoobiya ayaa wargeyska Addis Maleda ku wargaliyay in xadiga bunka ee ay Itoobiya u keeni jirtay suuqyada aduunka uu hoos u dhacay marka loo eego sanadkii hore.
Maamulaha guud ee ururka Biwasan Worku ayaa xusay in xadiga bunka ah ee ay Itoobiya sanadkii hore soo gaadhsiisay suuqyada aduunka uu dhan yahay 302 kun oo tan, balse sanadkan ay keentay 240 kun oo tan oo kaliya, taasina ay hoos u dhacday 62 kun oo tan. Soo saarista bunka ee sannadkii hore ee suuqa adduunka, ayuu u sheegay wargeyska Addis Maleda.
Maareeyuhu waxa uu intaa ku daray in sanadkan ay Itoobiya ka heshay lacag dhan 1.33 Bilyan oo dollar lacag qalaad oo ka soo gashay dhoofinta bunka ay u keento suuqyada aduunka, taas oo hoos u dhacday 90 milyan oo dollar marka loo eego dakhligii soo galay sanadkii hore.
Waxa ay tilmaameen in Brazil oo hormuud u ah bunka loo geeyo suuqyada adduunka ay hoos u dhigtay bunka dhaxan iyo abaarta sannadkii hore awged.
Waxa la tilmaamay in bunka ay Itoobiya hadda u soo bandhigto suuqyada adduunka lagu iibiyo 3.46 dollar ama 190 Birr kiilo kasta oo tayadiisu tahay mid sareysa.
Maamulaha ururka ayaa xusay in isla bunka lagu iibiyo kiilooga dalka 400 oo Birr, isla markaana ganacsatada wax dhoofisa ay ka iibsanayaan kafeega suuqyada dalka qiimo ka sarreeya inta ay ku iibiyaan suuqyada dibadda, kadibna ay u soo diraan. waxayna ka soo kabsan doonaan khasaarahooda iyagoo ku bedelaya alaabo kale.
Waxa kale oo ay sheegeen in wax soo saarka dalka oo qiimo jaban lagu kala iibsado, isla markaana suuqyada adduunka loogu soo bandhigo qiimo jaban ay si weyn uga qayb qaadanayso sicir-bararka.
Sidaa darteed, haddii ay xukuumaddu awoodi waydo inay sixi karto sharci-darradaas oo ay hagaajiso siyaasadda oo ay wax isku qabato, haddii ay sidaas ku sii socotona waxa hubaal ah in suuqa kafeega uu u socdo waddo khaldan, ayay yidhaahdeen.
Hadda, helitaanka bunka ku filan ee suuqyada adduunka ayaa la sheegay inay tahay sababta ugu weyn ee hoos u dhaca ku yimid qiimaha kafeega.
Sidoo kale waxa uu sheegay in xaalada amni ee jirta awgeed ay dadka oo aan awoodin in ay u dhaqaaqaan goobta lagu soo saaro kafeega ay adkaato in waqtigeeda lagu soo guro kafeega sidoo kalena ay saameyn ku yeelato tayada Bunka.



