ሐሙስ ነሐሴ 23 ቀን 2016 (አዲስ ማለዳ) የአዲስ አበባ ዩኒቨርሲቲ የቀድሞ ፕሬዝዳት ፕሮፌሰር እንድርያስ እሸቴ ባደረባቸው ህመም በህክምና ሲረዱ ቆይተው ዛሬ ነሐኔ 23 ቀን 2016 ዓ.ም ማረፋቸውን አዲስ አበባ ዩኒቨርስቲ ከደቂቃዎች በፊት አስታውቋል።
ጥቂት ስለ ፕሮፌሰር እንደሪያስ እሸቴ ማን ናቸው?
ፕሮፌሰር እንደሪያስ እሸቴ የሁለተኛ ደረጃ ትምህርታቸውን በዳግማዊ ሚኒሊክ ተምረዋል።
አሜሪካ አገር ከሚገኘው ዊሊያም ኮሌጅ ዲግሪያቸውንያገኙ ሲሆን የዶክትሬት ዲግሪያቸውን ደግሞ ከያሌ ዩኒቨርሲቲ ማግኘት ችለዋል።
ፕሮፌሰር እንደሪያስ እሸቴ ሞራልን ከፖለቲካ ጋር አዛምደው መፃፍ የሚወዱ አንጋፋ ምሁር ሲሆኑ የትኛውም ሀገር ነፃነት እና እኩልነት ቢኖረውም ወንድማማችነት የግድ ያስፈልገዋል ብለው ይሞግታሉ።
ፕሮፌሰር እንደሪያስ በአፄ ሀይለ ስላሴ ዘመን ንጉሱን ጥሎ ደርግን ባመጣው የተማሪዎች ህብረት ዘመቻ ተሳትፈዋል።
የቀድሞ ጠቅላይ ሚኒስትር አቶ መለስ ዜናዊ ልዩ አማካሪ የነበሩ ሲሆን የ1987ቱ የፌዲራሊዝም ህገ መንግስትን በማርቀቅ ተሳትፈዋል።
ከመኢሶን መስራችነት እስከ መንግስት አማካሪነት በተለያዩ ዘመናት የሰሩት ፕሮፌሰር እንድርያስ፤ ትምህርታቸውን በተለያዩ አለማት ተከታትለው ነበር።
የአዲስ አበባ ዩኒቨርሲቲ የቀድሞ ፕሬዚዳንት እና የአንድ ወንድ ልጅ አባት የነበሩት ፕሮፌሰር አንድርያስ እሸቴ ባደረባቸው ህመም በህክምና ሲረዱ ቆይተው ከዚህ ዓለም በሞት ተለይተዋል።
አዲስ ማለዳ ለቤተሰቦቻቸው እና ወዳጅ ዘመዶቻቸው መጽናናትን ትመኛለች!



