ከ33 ዓመት በፊት የተዘረፈው ዘውድ ትግራይ ክልል ለሚገኘው ቤተክርስቲያን ሊመለስ ነው  

0
900

 

ኔዘርላንድስ  ሲራክ አስፋው በተባሉ ግለሰብ እጅ ለ21 ዓመታት  የቆየው ጥንታዊ ዘውድ ዛሬ የካቲት 12 /2012  ለኢትዮጵያ ተመለሰ፡፡

በ18ኛው ክፍለ ዘመን እንደተሰራ የሚነገርለት ዘውድ፤ በኔዘርላንድስ ኤምባሲ በኩል ለኢትዮጵያ የተመለሰ ሲሆን፤ ጠቅላይ ሚንስትር ዐብይ አሕመድ ቅርሱን ተረክበዋል።

ዘውዱ ለተወሰነ ጊዜ በብሔራዊ ሙዝየም ቆይቶ በትግራይ ክልል ከመቀሌ 16 ኪሎ ሜትር በደቡብ ምሥራቅ አቅጣጫ ከሚገኘውና ረዥም ዕድሜ ካስቆጠረው ሥላሴ ጨለቆት ቤተ ክርስቲያን ይመለሳል ሲሉ የቅርስ ጥናትና ጥበቃ ባለሥልጣን ዋና ዳይሬክተር ሙሉጌታ ፍስሐ (ዶ/ር) ለቢቢሲ አማርኛ ተናግረዋል።

ቅርሱ የሚመለስበትን ቀን ገና ባንወስንም በአድዋ በዓል ላይ ለማስረከብ አስበናል ሲሉ ሙሉጌታ  ገልጸዋል።

“ቅርሱ የጨለቆት ሥላሴ ቤተ ክርስቲያን መሆኑን በፎቶ ማስረጃዎች ካረጋገጥን በኋላ እንዲመለስ ተወስኗል” ሲሉም አስረድተዋል።

የትግራይ ክልል ቅርሱ ከተሰረቀ በኋላ ለማስመለስ ደብዳቤዎች ይጻጻፍ እንደነበር እና  ቅርሱ ከመዘረፉ በፊት የነበረበትን ሁኔታ የሚያሳዩ የፎቶግራፍ ማስረጃዎች እንዳሉም አክለዋል።

 

መልስ አስቀምጡ

Please enter your comment!
Please enter your name here