በኮቪድ19 ዙሪያ መረጃዎች መከልከላቸውን አዲስ ማለዳ ትቃወማለች

0
1601

አዲስ ማለዳ በአለም የጤና ድርጅት አለማቀፍ ወረርሺኝ ተብሎ የታወጀውን እና በአገራችን ኢትዮጵያም መከሰቱ የተረጋገጠውን የኮቪድ19 በሽታ ጉዳይን በቅርበት ስትዘግብ መቆየቷ ይታወሳል፡፡

በያዝነው ሳምንትም በጉዳዩ ላይ ለምትሰራቸው ዝርዝር ዘገባዎች ብሎም የለት ተለት የማህበራዊ ሚዲያ ዜናዎች መረጃዎችን ብትጠይቅም መረጃውን ማግኘት አስቸጋሪ ሆኗል፡፡ ለበሽታው መከላከል እና መቆጣጠር ሲባል የተቋቋመው ግብረሃይል፣ የጤና ሚኒስቴር የሕዝብ የግንኙነት ሃላፊዎችም ሆኑ የሕብረተብ ጤና ኢንስቲዩት የስራ ሃለፊዎች በጉዳዩ ላይ በቂ መረጃ እየሰጡ እዳልሆኑ ከአዲስ ማለዳ ውጪም ሌሎች የመገናኛ ብዙን መቸገራቸውን አረጋግጠናል፡፡

‹‹ስብሰባ ላይ ነን፣ ጋዜጣዊ መግለጫ ላይ ካልሆነ በግል ለሚመጡ ጥያቁዎች መልስ የለንም እና የማህበራዊ ሚዲያችንን ተከታተሉ›› የሚሉት ደግሞ ተደጋጋሚ ምላሾች ናቸው፡፡

የስራ ጫናዎች መደራረብ እንዲሁም የመረጃ ወጥነትን ለመጠበቅ የሚወሰዱ እርምጃዎች መኖራቸውን ብንረዳም፤ በእንዲህ አይነት ከፍተኛ የመረጃ ፍላጎት ባለበት ግዜ መገናኛ ብዙሃንን መሰረታዊ የሆኑ መረጃዎችን መከልከል አግባብ አይደለም ብለን እናምናለን፡፡

የመንግስት የስራ ሃፊዎችም ሆኑ የሚመለከታቸው አካላት ይህ ችግር መኖሩን ተመልክተው መፍትሄ ያበጁ ዘንድ አዲስ ማለዳ ጥሪ ታቀርባለች፡፡

መልስ አስቀምጡ

Please enter your comment!
Please enter your name here