የኢትዮጵያ ንግድ ባንክ ሸገርን ለማስዋብ የግማሽ ቢሊየን ብር ድጋፍ አደረገ

Views: 385

ባሳለፍነው ሳምንት ዓርብ የኢትዮጵያ ንግድ ባንክ ጠቅላይ ሚኒስቴሩ በቀረቡት ጥሪ መሰረት ሸገርን ለማስዋብ ፕሮጀክት ግማሽ ቢሊዮን ብር ማበርከቱን አስታወቀ። ባንኩ የከተማዋን ገፅታ በማስዋብና በማሻሻል ነዋሪዎቿን ተጠቃሚ ማድረግ በሚደረጉ አገረዊ ፕሮጀክቶች ላይ ተሳትፎውን እንደሚለውጥም ገልጧል።

ተመሳሳይ ሳምንት ኢትዮ ቴሌኮም አንድ መቶ ሚሊዮን ብር ለፕሮጀክቱ በቅጥር ግቢው ውስጥ ባደረገው ሥነ ስርዓት ላይ የለገሰ ሲሆን በሦስት ዙሮች የተለያዩ ኩባኒያዎች እንዲሁም ግለሰቦች የአምስት ሚሊዮን ብር የእራት ግብዣው ላይ ለመገኘት ቅድሚያ ክፍያቸውን ፈጽመዋል።

የመዝናኛ፣ የማንበቢያ እና የተለያዩ የከተማዋን ገፅታ ይለውጣሉ ተብለው የሚጠበቁ ሥራዎችን እና 56 ኪሎ ሜትር የሚሸፍነው ይህ የወንዞች ዳርቻ ፕሮጀክት የለጋሾች ሥም የሚፃፍበት ሲሆን የቻይና መንግሥትም የፕሮጀክቱን ግንባታ የሚያከናውን ሲሆን ከፍተኛ የገንዘብ ድጋፍ ማድረጉም ታወቋል።

ቅጽ 1 ቁጥር 27 ግንቦት 3 ቀን 2011

 

Comments: 0

Your email address will not be published. Required fields are marked with *

This site is protected by wp-copyrightpro.com