በአጭር ጊዜ ለህገ መንግስት ትርጉም ጥያቄ ምላሽ ለመስጠት እየሰራ መሆኑ የህገ መንግስት ጉዳዮች አጣሪ ጉባዔ አስታወቀ

0
909

በህዝብ ተወካዮች ምክር ቤት የቀረበውን የህገ መንግስት ትርጉም ጥያቄ በአጭር ጊዜ ምላሽ ለመስጠት እየተሰራ መሆኑን የህገ መንግስት ጉዳዮች አጣሪ ጉባዔ ሰብሳቢ ወይዘሮ መእዛ አሸናፊ አስታውቀዋል።

የኢትዮጵያ ብሔራዊ ምርጫ ቦርድ 6ኛውን ሀገራዊ ምርጫ ማከናወን አለመቻሉን ማስታወቁን ተከትሎ የህዝብ ተወካዮች ምክር ቤት የህገ መንግስት ትርጓሜ እንዲሰጥበት ውሳኔ ማሳለፉ የሚታወስ ነው፡፡

የህገ መንግስት ጉዳዮች አጣሪ ጉባዔ ሰብሳቢና የፌደራል ጠቅላይ ፍርድ ቤት ፕሬዚዳንት የሆኑት ወይዘሮ መእዛ አሸናፊ በሂደቱ ዙሪያ በዛሬው እለት በሰጡት መግለጫ የቀረበውን የህገ መንግስት ትርጉም ጥያቄ በአጭር ጊዜ ምላሽ ለመስጠት እየተሰራ መሆኑን ገልፀዋል።

አሁን ላይም በስራ ላይ ያሉ 10 የጉባኤው አባላትን ይዞ በህገ መንግስት ትርጉም ጥያቄው ዙሪያ እየሰራ መሆኑን አስታውቀዋል።

ጉዳዩ የህገ መንግስት ትርጓሜ የሚያስፈልገው መሆኑ ይመረምራል ያሉት ወይዘሮ መአዛ፥ ትርጓሜ የሚሰጠው ጥያቄም ከሆነ የውሳኔ ሀሳብ ለፌደሬሽን ምክር ቤት ያቀረባል ብለዋል።

በነገው እለትም ከህግ ባለሞያዎች ጋር ለህዝብ የሚተላለፍ ውይይት ይደረጋል ማለታቸውን የዘገበው ኤፍ ቢ ሲ ነው፡፡

መልስ አስቀምጡ

Please enter your comment!
Please enter your name here