ግምታዊ ዋጋቸው 23 ሚሊዮን ብር በላይ የሚሆኑ የኮንትሮባንድ ዕቃዎች በቁጥጥር ስር ዋሉ

0
1191

የገቢዎችና ጉምሩክ ባለሥልጣን ባለፈው አንድ ሳምንት ውስጥ (ከግንቦት 05 እስከ 11/ 2012) ግምታዊ ዋጋቸው ከ23.5 ሚሊዮን ብር በላይ የሚሆኑ የኮንትሮባንድ ዕቃዎችና የጦር መሣሪያዎች በቁጥጥር ስር እንዲውሉ ተደርጓል።
የተያዙት የኮንሮባንድ ዕቃዎቹ በሕገ-ወጥ መንገድና በቱርስት ሥም የገቡ ተሽከርካሪዎች፣ የተሽከርካሪዎች መለዋወጫ፣ አዳዲስ እና አሮጌ አልባሳት፣ ኤሌክትሮኒክስ፣ ጊዜው ያለፈባቸው መድኃኒቶች፣ ምግብና የምግብ ነክ ቁሳቁሶች፣ ሞባይሎች፣ ጫት፣ ሲጋራ እንዲሁም የዜጎቹን አእምሮ የሚጎዱ አደገኛ እፅና ሺሻ ናቸው።
ይህ በእንዲህ እንዳለ ከኅብረተሰቡ በደረሰ ጥቆማ ብዛቱ 14,474 የቱርክ ሸጉጥ ጥይት እና 3 ስታር ሽጉጥ ከመተማ ወደ አዲስ አበባ በመጓዝ ላይ ሳለ ሰርባ ኬላ ፍተሻ ላይ ከፌዴራል ፖሊስ አባላትና ከክልሉ ፀጥታ አካላት ጋር በቅንጅት በተሠራው ሥራ ከኹለት ተጠርጣሪዎች ጋር በቁጥጥር ስር እንዲውል ተደርጓል።
የኮንትሮባንድ ዕቃዎቹ የተያዙባቸው ቦታዎች ደግሞ ድሬዳዋ፣ አዋሽ፣ ጅግጅጋ፣ ሐዋሳ፣ ሞያሌ፣ መቀሌ፣ አዳማ፣ አዲስ አበባ እና ሌሎች የጉምሩክ ኬላና መቆጣጠሪያ ጣቢዎች ናቸው።
በሌላ መንገድ በተጠቀሰው ጊዜ ውስጥ በቦሌ አየር መንገድ እና ሞጆ ጉምሩክ መቆጣጠሪያ ጣቢያ በኩል የሚገቡት የዕቃዎችን ሠነድና ንግድ በማጭበርበር ለማስተላለፍ ቢሞክሩም፣ በተደረገው ጥብቅ ፍተሻ ከ4.6 ሚሊዮን ብር በላይ ለመንግሥት ተጨማሪ ታክስና ግብር እንዲከፈል ተደርጓል።

ቅጽ 2 ቁጥር 81 ግንቦት 15 2012

መልስ አስቀምጡ

Please enter your comment!
Please enter your name here